Dünya çempionatında kimləri görə bilməyəcəyik? (TAM SİYAHI)

İki gündən sonra Cənubi Afrikada başlayacaq futbol üzrə dünya çempionatı son vaxtlar ərzində bir sıra məşhur və o qədər də məşhur olmayan futbolçulardan müxtəlif növ zədələr üzündən məhrum olub

 

Bu gün səhərə kimi azerisport.az saytına məlum olan zədəlilərin tam siyahısı:

 

Kot-d’İvuar

 

Didye Droqba– iştirakı böyük sual altındadır, çox güman ki, meydana çıxa bilməyəcək. Yaponiya millisinə qarşı yoldaşlıq oyununda dirsək sümüyü sınıb.

 

İngiltərə

 

Rio Ferdinand– iştirak etməyəcək – yığmanın məşqində dizi zədələnib.

 

ABŞ

 

Jozi Altidor– iştirakı sual altındadır – yığmanın məşqində topuğundan zədələnib.

 

İsveçrə

 

Valon Behrami– iştirakı sual altındadır – İtaliya yığmasına qarşı yoldaşlıq oyununda qasıq nahiyəsindən zədə alıb.

 

Honduras

 

Uilson Palasios– iştirakı sual altındadır – Rumıniya yığmasına qarşı yoldaşlıq oyununda baldır sümüyü zədələnib.

 

Hollandiya

 

Aryen Robben- iştirakı böyük sual altındadır, çox güman ki, meydana çıxa bilməyəcək. Macarıstan yığmasına qarşı yoldaşlıq oyununda diz bağlarını zədələyib.

 

Nigeriya

 

Con Obi Mikel– iştirak etməyəcək – dizindən aldığı zədənin müalicəsi bitməyib.

 

Yaponiya

 

Yasuyuki Konno– iştirakı sual altındadır - Kot-d’İvuar millisinə qarşı yoldaşlıq oyununda dizi zədələnib.

 

Braziliya

 

Julio Sezar- iştirakı sual altındadır – Zimbabve yığmasına qarşı yoldaşlıq oyununda kürəyi zədələnib.

Mişel Bastos- iştirakı sual altındadır – yığmanın məşqində topuğundan zədə alıb.

 

Qana

 

Maykl Essyen– iştirak etməyəcək – diz zədəsini tam müalicə etdirməyib.

Salli Muntari- iştirakı sual altındadır – budunun hələ sağalmamış zədəsini daha da ağırlaşdırıb.

 

Almaniya

 

Mixael Ballak– iştirak etməyəcək – İngiltərə Kubokunun final oyununda topuq nahiyəsindən zədə alıb.

Hayko Vastermann- iştirak etməyəcək – Macarıstan yığmasına qarşı yoldaşlıq oyununda zədə alıb.

Kristian Treş- iştirak etməyəcək – məşqdə topuğunu zədələyib.

 

Çili

 

Umberto Suaso– iştirakı sual altındadır – İsrail yığmasına qarşı yoldaşlıq oyununda ayağından zədə alıb.

 

İtaliya

 

Andrea Pirlo- iştirakı sual altındadır – Meksika yığmasına qarşı yoldaşlıq oyununda topuğundan zədə alıb.

 

Danimarka

 

Niklas Bendtner– iştirakı sual altındadır – qasıq nahiyəsindən zədə alıb.

 

Portuqaliya

 

Nani– iştirak etməyəcək – yığmanın məşqində çiyni zədələnib.

 

İspaniya

 

Andres İnyesta– iştirakı sual altındadır – Polşa yığmasına qarşı yoldaşlıq oyununda sağ dizinin bağını zədələyib.