Rehagel legionerləri seçdi, növbə yerlilərindir

Yunanıstan yığmasının baş məşqçisi Otto Rehagel dünya çempionatına aparacağı heyətə qatacağı legionerlərin adını açıqlayıb. Azerisport.az xəbər verir ki, siyahıya düşən 8 legionerdən hamısının DÇ-yə yollanacağı dəqiq deyil. Amma onların yekun “23-lüy”ə düşmək şansları olduqca yüksək qiymətləndirilir.

Sotirios Kiryakos (Liverpul, İngiltərə), İvangelis Moras (Bolonya, İtaliya), Sokratis Papastatopulos (Cenoa, İtaliya), Xristos Pastatsoğlu (Omoniya, Kipr), Aleksandr Tsiolis (Syena, İtaliya), Yorqas Samaras (Seltik, Şotlandiya), Feofanis Gekas (Herta, Almaniya), Angelos Xaristeas (Nürnberq, Almaniya).