Lippi ilkin heyəti müəyyənləşdirdi
İtaliya yığmasının baş məşqçisi Marçello Lippi bu gün komandasını 3 günlük təlim-məşq toplanışına yığır. Azerisport.az xəbər verir ki, dünya çempionu toplanışa aşağıdakı 29 futbolçunu çağırıb.
Qapıçılar: Canluici Buffon (Yuventus), Morqan de Sanktis (Napoli), Salvatore Siriqu (Palermo).
Müdafiəçilər: Fabio Kannavaro, Corcio Kyellini, Fabio Qrosso, Nikola Leqrottalye (Yuventus), Leonardo Bonuççi (Vari), Salvatore Bokketti (Cenoa), Matteo Kassani (Palermo), Domeniko Krişito (Cenoa), Canluka Zambrotta (Milan).
Yarımmüdafiəçilər: Mauro Kamoranezi, Antonio Kandreva, Klaudio Markizio (Yuventus), Cennaro Qattuzo, Andrea Pirlo (Milan), Kristian Macco (Napoli), Rikkardo Montolivo (Fiorentina), Andrea Kossu (Kalyari), Ancelo Palombo (Sampdoriya), Simone Pepe (Udineze).
Hücumçular: Marko Boryello (Milan), Antonio di Natale (Udineze), Alberto Cilardino (Fiorentina), Vinçentso Yakuinta (Yuventus), Campaolo Patsini (Sampdoriya), Fabio Kualyarella (Napoli).
Qeyd edək ki, mayın 5-də İtaliya kubokunun finalında üz-üzə gələcən İnter (Marko Materatsi, Davide Santon) və Romanın (Daniele de Rossi, Simone Perrotta, Luka Toni) futbolçuları toplanışa cəlb edilməyib.
