31 may 2014 17:17
Yelena Qladkova: Finalda mübarizə daha çətin olacaq
Bakıda keçirilən atletika üzrə Avropa Təsnifat Turnirinin ikinci günündə şüvüllə tullanmada finala vəsiqə qazanmış Yelena Qladkova jurnalistlərə müsahibəsində yarışla bağlı təəssüratlarını danışıb. Azrisport.az xəbər verir ki, Qladkova bunları söyləyib:
"Bakıda atletika üzrə belə böyük turnirin keçirilməsi idmançılarımızı sevindirir. Bu bizi daha yaxşı çıxış etməyə məcbur edir. Öz çıxışıma gəlincə, iki cəhddə alınmadı. Hərəkəti düzgün yerinə yetirmə bilmədim. Sonradan toparlanaraq, lazımi nəticəni qazandım. Finalda mübarizə daha çətin olacaq. Amma mümkün qədər uğurlu çıxış etmək istəyirəm. Əsas məqsədlərdən biri Çində keçiriləcək yeniyetmələrin II Olimpiya Oyunlarına lisenziya qazanmaqdır. Məşqçilərin gözləntilərini həyata keçirmək üçün bütün diqqətimi sabaha yönəltmişəm".
Qeyd edək ki, şüvüllə tullanmada final mərhələsi sabah keçiriləcək.
Qeyd edək ki, şüvüllə tullanmada final mərhələsi sabah keçiriləcək.
