2 iyun 2014 11:11
Nazim Babayev: Növbəti hədəfim Çində keçiriləcək olimpiadadır
Yeniyetmələrin II Olimpiya Oyunlarına lisenziya qazanmış atlet Nazim Babayev təəssüratlarını jurnalistlərlə bölüşüb. Azerisport.az xəbər verir ki, Babayev bunları söyləyib:
“Atletika üzrə belə mötəbər turnirin Bakıda keçirilməsi çox sevindirici haldır. Bu həm də Avropa Oyunlarına ölkəmizin hazır olduğunu göstərdi. Çıxışıma gəlincə, qızıl medal qazanmaq istəyirdim. Sevinirəm ki, arzuma çatdım. İki cəhddə istədiyim alınmadı. Sonradan toparlanaraq, ən yüksək nəticəni göstərdim. Deməzdim ki, arxayınlıq oldu. Sadəcə, fikrimi cəmləşdirməkdə çətinlik çəkdim. Doğma Azərbaycanda bayrağımızı yüksəltmək və himnimizi səsləndirmək çox şərəfli idi. Növbəti hədəfim Çində keçiriləcək olimpiadadır. Yeniyetmələrin olimpiadasında ilk dəfə iştirak edəcəyəm. Buna görə də orada da medal qazanmaq istəyirəm”.
Qeyd edək ki, Azərbaycan atletləri Bakıda keçirilən Avropa Təsnifat Turnirində 1 qızıl, 1 gümüş qazanmaqla komanda hesabında 11-ci yeri tutub. Ümumilikdə, idmançılarımız 3 lisenziya əldə ediblər.
Qeyd edək ki, Azərbaycan atletləri Bakıda keçirilən Avropa Təsnifat Turnirində 1 qızıl, 1 gümüş qazanmaqla komanda hesabında 11-ci yeri tutub. Ümumilikdə, idmançılarımız 3 lisenziya əldə ediblər.
