Boksçularımızdan daha üçü ən azı bürünc medalı təmin etdi
Ötən gün Avropa Oyunlarının boks yarışlarında Azərbaycan yığmasının daha üç üzvü axşam proqramı çərçivəsində rinqə çıxıb. Azerisport.az xəbər verir ki, onların hər üçü döyüşünü qələbə ilə başa vurmağa nail oldu.
Elvin Məmişzadə (52 kq) Avropa Oyunlarında 1/4 final mərhələsində bolqarıstanlı Daniel Asenovu məğlub edərək, ən azı bürünc medalı özünə təmin etdi. Boksçumuz yarımfinalda Almaniya boksçusu Hasan Touba ilə üz-üzə gələcək. Həmin görüş iyunun 25-də keçiriləcək.
Məhəmmədrəsul Məcidov 1/4 final mərhələsində türkiyəli Əli Dəmirəzəni məğlub edib - 3:0. Məcidov yarimfinalda rusiyalı Qasan Qimbatovla üz-üzə gələcək. Yarimfinal görüşü iyunun 25-də keçiriləcək.
Teymur Məmmədov (81 kq) isə hollandiyalı Petr Müllenberq üzərində qələbə qazanıb - 3:0. Milli komandamızın üzvü iyunun 24-də yarimfinal mərhələsində rusiyalı Pavel Silyaginlə qarşılaşacaq.
