Azərbaycan idmançıları 14 iyunda da medallara iddialıdırlar
Yarışlara uğurlu start verən Azərbaycanın Bakı 2015 komandası, 14 iyunda da medallar qazanmaq əzmindədir. Azerisport.az xəbər verir ki, bu gün ev sahibi ölkənin təmsilçiləri bir sıra yarışlarda özlərini sübut etməyə çalışacaq:
Voleybol, saat 16:30
Kristal Zalda keçirilən voleybol yarışının ikinci günündə Azərbaycanın kişilərdən ibarət yığma komandası saat 16:30-da Finlandiyaya qarşı mübarizə aparacaq.
Dünya reytinqində 102-ci yerdə olan komanda şənbə günü beynəlxalq oyunlarda özünün ilk görüşünü keçirməsini gözləyir. Onlar əvvəlcə 2014-cü il Avropa liqasında mübarizə apararaq 10 komanda arasında 9-cu yerə sahib olublar.
İdman gimnastikası, saat 10:00
2015-ci il Avropa Çempionatında fərdi çoxnövçülük yarışında beşinci yeri tutan Azərbaycan idmançısı Oleq Stepko Milli Gimnastika Arenasında bazar günü keçiriləcək komandanın final oyununun təsnifat mərhələsinin ilk günündə medal qazanmağa çalışacaq.
Kişilər arasında triatlon, saat 12:30
Bilgəh Çimərliyində keçiriləcək kişilər arasında triatlon yarışında medal qazanmaq üçün Azərbaycanın gözü Rostislav Pevtsova yönəlib. Məşqçisi və komanda yoldaşları kişilər arasında Bakı 2015-də keçiriləcək triatlon yarışında bu qələbəni Azərbaycana gətirməyə ən real namizəd onu görürlər.
Su polosu, saat 18:45
Azərbaycan yığması şənbə günü kişilər arasında keçirilən su polosu yarışının açılış oyununda 9-6 hesabı ilə məğlub oldu. Çıxışlarını müzakirə etmək üçün onların çox az vaxtı var. Onlar bazar günü 16 komanda yarışında ilk komandalardan biri olan Macarıstana qarşı mübarizə aparmaq üçün hovuza girəcəklər.
