Taekvondoçu Fəridə Əzizova futbolçu da ola bilərmiş

Azərbaycanın taekvondo ustası Fəridə Əzizova səhhətində narahatlıq olduğuna görə idmanla məşğul olmağa başlayıb. Azerisport.az xəbər verir ki, səkkiz yaşında ikən ayaqlarının hərəkətində problem yarandığından, ona aktiv idman məsləhət görülüb.

Həmin tarixdən 12 il keçir. İndi Fəridə Əzizova ölkənin ən uğurlu taekvondo idmançılarından birindir. Dünya və Avropa çempionatlarında bürünc medal sahibi olan 22 yaşlı idmançı Bakı 2015-də 67 kq çəki dərəcəsi üzrə yarışacaq favoritlərdən biridir.

"İlk dəfə 2003-cü ilin oktyabrında məşqə başladım, hətta məşqin günü və saatı da yadımdadır. Mən futbol və ya qaçışı seçə bilərdim, lakin taekvondo üzrə məşqlər etməyə başladım".

Məşqlərə başladıqdan artıq üç ay sonra Fəridə Əzizova gənclərin Azərbaycan çempionatında üçüncü yeri tutub. O, gənclər və böyüklər səviyyəsində bir sıra beynəlxalq yarışlarda mükafat qazanıb. 2013-cü il dünya çempionatında isə bürünc medalı əldə edib. 

Gənclər arasında Avropa tituluna sahib olmaq azərbayanlı idmançı ona güclü ağrı verən zədələrlə mübarizə aparıb: "Həmin yarışda yırtıq zədəsindən əziyyət çəkdim. Lakin döşək üzərinə üç ağrıkəsici iynənin köməyi ilə çıxdım",-  deyə Fəridə bildirib.