Dağ Velosipedi Parkı ilk medal tədbirinin ev sahibidir

Bakının şimal-qərb hissəsində yerləşən Dağ Velosipedi Parkı Bakı 2015-də ilk medal tədbirinin keçiriləcəyi məkandır. Azerisport.az xəbər verir ki, burada iyunun 13-də keçiriləcək qadınlar arasında dağ velosipedi yarışının qalibi qızıl medala yiyələcək. Yarışın saat 12:00-da başlaması nəzərdə tutulur. Kişilərin dağ velosipedi yarışının isə saat 15:30-da Dağ Velosipedi Parkında başlanması planlaşdırılır.

Birinci Avropa Oyunlarının dağ velosipedi yarışı üzrə meneceri Evanqelos Diamantides bu yarışın məsuliyyətli olduğunu bildirib: "Bu, bizim üçün böyük məsuliyyətdir, çünki işimizin nəticəsi bütün idman növləri üzrə komandalararası yarışa birbaşa təsir göstərəcək. İdmanda ilk adlar burada yerləşdirilib və yüksək səviyyəli görüşdən başqa heç nə gözləməyin".

Birinci Avropa Oyunlarında dağ velosipedi idmanı üzrə 73 nəfər yarışacaq. Onlardan 45-i kişi, 28-i qadın idmançılardır. Bakı 2015-də qələbə uğrunda 4 Olimpiya medalçısı mübarizə aparacaq. Bu idman növü üzrə 3 azərbaycanlı velosipedçi çıxış edəcək.

Dağ velosipedçilərinin ən gənc və ən yaşlısı arasında 20 il yaş fərqi var. Bakı 2015-də dağ velosipedi idmanı üzrə 6 medal təqdim olunacaq.