Avropa Oyunlarının kamandan oxatma yarışlarında iştirak edəcək ölkələrin adları bəlli oldu
Marafon şəhərində keçirilmiş Avropa Qran-pri yarışları zamanı Belarus, Fransa, Almaniya, İtaliya, Hollandiya, Polşa, Rusiya, İspaniya, Türkiyə və Ukrayna kamandan oxatma üzrə həm kişi, həm də qadın idmançılar arasında keçiriləcək turnirlərin hər biri üçün üç kvota yeri əldə etdilər. Azerisport.az xəbər verir ki, Yunanıstanda keçirilmiş kamandan oxatma yarışları Avropa Oyunları üçün son təsnifat yarışı olub. Bakı 2015 yarışlarına ev sahibliyi edəcək Azərbaycan da kişi və qadınlar arasında keçiriləcək yarışların hər biri üçün 3 kvota yerinə malikdir.
Sloveniya və Norveç Bakı 2015 Avropa Oyunları zamanı kişilər arasında keçiriləcək kamandan oxatma yarışlarında iştirak üçün üç yer qazandı. Danimarka, Gürcüstan, Böyük Britaniya, Yunanıstan və İsveçrənin hər biri isə qadınlar arasında keçiriləcək yarışlar üçün üç yer əldə etdi.
Aşağıda adları çəkilən ölkələrin hər biri Bakı 2015 Avropa Oyunlarında kişilər arasında keçiriləcək kamandan oxatma yarışları üçün bir kvota yeri əldə etdilər: Ermənistan, Avstriya, Belçika, Bolqarıstan, Xorvatiya, Kipr, Danimarka, Estoniya, Finlandiya, Gürcüstan, Böyük Britaniya, Yunanıstan, İrlandiya, İsrail, Latviya, Lüksemburq, Moldova, Rumıniya, San Marino, Slovakiya, İsveç, İsveçrə, İslandiya (universallıq prinsipinə əsasən verilən yer), Kosovo (universallıq prinsipinə əsasən verilən yer) və Serbiya (universallıq prinsipinə əsasən verilən yer).
Aşağıda adı qeyd olunan ölkələrin hər biri Bakı 2015 Avropa Oyunlarında qadınlar arasında keçiriləcək kamandan oxatma yarışları üçün bir kvota yeri əldə etdilər: Ermənistan, Avstriya, Bolqarıstan, Kipr, Estoniya, Finlandiya, İrlandiya, Kosovo, Latviya, Moldova, Norveç, Rumıniya, Sloveniya, Slovakiya, İsveç və Litva (universallıq prinsipinə əsasən verilən yer).
Marafon şəhərində qadınlar arasında rekursiv kaman kateqoriyası üzrə keçirilmiş fərdi yarışlarda ilk üç yerə İtaliyalı oyunçular başçılıq etdilər. Həmin yarışlarda Klaudia Mandina birinci, Sara Violi ikinci, Qvendalina Sartori isə üçüncü yeri tutdu.
Kişilər arasında rekursiv kaman kateqoriyası üzrə keçirilmiş yarışlarda isə qızıl medalı ikiqat Olimpiya çempionu Ukraynalı Markiyan İvaşko qazandı. İtaliyalı David Paskualikki gümüş medalın, İtaliyalı Marko Morello isə bürünc medalın sahibi oldu.
Kişilər arasında rekursiv kaman kateqoriyası üzrə komanda yarışlarının qalibi Belarus oldu. Sözügedən yarışda Hollandiya komandası gümüş, Ukrayna isə bürünc medala yiyələndi.
Qadınlar arasında rekursiv kaman kateqoriyası üzrə komanda yarışlarının qalibi Gürcüstan oldu. Yunanıstan ilə İtaliya isə müvafiq olaraq ikinci və üçüncü yerlərdə qərarlaşdı.
Rekursiv kaman kateqoriyası üzrə qarışıq komanda yarışlarında qızıl medalı Ukrayna qazandı. Adıçəkilən yarışda Böyük Britaniya gümüş, Gürcüstan isə bürünc medalın sahibi oldular. Yarışın bu növü Bakı 2015 Avropa Oyunları zamanı da keçiriləcək.
