Bakı-2015-dən Son 200 gün
Avropa Oyunlarının başlamasına gerisayım davam etməkdədir. Azerisport.az xəbər verir ki, bu münasibətlə Bakı 2015 “Son 200 Gün” adlı əlamətdar tədbiri qeyd edir. Tədbir Qız Qalası yaxınlığında baş tutacaq.
Tədbirdə media nümayədələri üçün ayrılmış xüsusi yerlər olacaq. Həmin əraziyə daxil olmaq üçün sizə xüsusi media akkreditasiyası lazım olacaq. Akkreditasiyadan keçmək üçün Rəşad Əliyev ilə +994 (0) 55 400 1116 nömrəsi vasitəsilə 21 noyabr saat 17:00-a qədər əlaqə saxlamağınız xahiş olunur.
Akkreditasiya kartlarını əldə etmək üçün son tarix 24 noyabr saat 13:00-dır. Kartları əldə etmək üçün şəxsiyyət vəsiqənizlə birlikdə 22 noyabr 09:00-dan 24 noyabr 13:00 tarixinə qədər Zərifə Əliyeva küçəsi, 41 ünvanında yerləşən Bakı 2015 Avropa Oyunlarının Əməliyyat Komitəsinin ofisinə yaxınlaşa bilərsiniz.
Qeyd edək ki, Qız Qalasının ətrafı işıqlandırılacaq və tədbirdə Bakı 2015 haqqında önəmli bir xəbər açıqlanacaq. Nəzərə alın ki, tədbirdə foto, video çəkiliş və müsahibə almaq imkanı yaradılacaq.
