19 may 2014 12:48
Bakı-2015 Avropa Oyunları Əməliyyat Komitəsi Kommunikasiya üzrə yeni Direktor təyin edir
Bakı-2015 Avropa Oyunları Əməliyyat Komitəsi (BEGOC) məmnunluq hissi ilə bildirir ki, Vilyam Luis-Mari Kommunikasiya üzrə direktor təyin olunmuşdur.
Luis-Mari kütləvi informasiya vasitələrinin Avropa Oyunları haqqında məlumatlılıq səviyyəsinin və dünyanın hər tərəfində yarışların işıqlandırılması dərəcəsinin yüksəldilməsi məqsədilə Kommunikasiya şöbəsinə rəhbərlik etmək üçün BEGOC komandasına qoşulur.
Fransadan olan Luis-Mari keçmiş Olimpiya Oyunları və Beynəlxalq Futbol Assosiasiyaları Federasiyasının (FIFA) dünya çempionatına cəlb edilməsi daxil olmaqla bir sıra qurumlarda yüksək səviyyəli rəhbər təcrübəsinə malikdir.
O, BEGOC-a 160 ölkədə fəaliyyət göstərən proqressiv multi-media qrupu Trace TV-dən qoşulur. Luis-Mari Trace TV-də çempionlara həsr olunan təzə beynəlxalq kanal olan Trace Sports-un baş vitse-prezidenti vəzifəsini tutmuşdur.
Luis-Marinin BEGOC-a qoşulmasını alqışlayan Bakı-2015 Avropa Oyunların Əməliyyatlar üzrə baş direktoru Saymon Kleq demişdir: “Vilyamın kommersiya sektorunda kommunikasiya sahəsində çox mükəmməl və geniş təcrübəsi vardır və o, bizim kommunikasiya strategiyamıza və onun həyata keçirilməsinə rəhbərlik edəcəyinə görə biz onun təcrübəsindən istifadə etməliyik.
“Onun beynəlxalq nüfuzu və idmana məhəbbəti mövcud BEGOC komandasını çox gücləndirəcək və gələn ilin iyun ayında ilk Avropa Oyunlarının Bakı şəhərində uğurla keçirilməsinə töhfə verəcək.”
Luis-Mari Trace TV-də London 2012 Olimpiya Oyunlarının Layihə Meneceri kimi xidmət göstərmiş və, həmçinin, Atlanta 1996 Olimpiya Oyunları və Fransa 1998 Dünya Çempionatında Coca-Cola France üçün Kommunikasiya Meneceri kimi işləmişdir.
Onun işlədiyi digər məşhur böyük idman qurumlarının sırasına Fransa Olimpiya Komitəsi, Tour de France, Fransanın və beynəlxalq idman federasiyarı və çoxlu tanınmış idman markaları daxildir.
Luis-Mari demişdir: “Ötüb Keçməli Bir İl tarixi 12 iyuna yaxınlaşdığına görə mən Bakı-2015 komandasına qoşulmaqdan ötrü bu gözəl imkandan istifadə etdiyim üçün çox şad və xoşbəxtəm.
“Belə bir istedadlı komandaya qoşulmaqdan qürur duyuram və bu qabaqcıl tədbir haqqında qlobal miqyasda məlumatlılıq səviyyəsinin yüksəldilməsinə kömək edəcəyimə ümid bəsləyirəm.
“Biz Azərbaycanı elit idman növlərinin keçirilməsi üçün gözəl məkan, eləcə də müasir və dinamik Avropa ölkəsi kimi nümayiş etdirmək istəyirik. Avropa Oyunları bütün qitənin və Azərbaycan əhalisinin zövq alacağı idman bayramı olacaqdır.”
Luis-Mari bu gün (Bazar ertəsi, 19 may) Bakı şəhərinə gəlməli və sabah öz vəzifəsinin icrasına başlamalıdır.
Xatırladaq ki, Bakı-2015 Avropa Oyunları 2015-ci il iyun ayının 12-dən 28-nə qədər keçiriləcək və qitə üçün çox maraqlı, cəlbedici, proqressiv yeni multi-idman yarışları olan heç vaxt görünməmiş ilk Avropa Oyunları olacaq.
Bakı-2015 Avropa Oyunlarında ümumilikdə 19 idman növü olacaq: 16 Olimpiya idman növü və üç qeyri-Olimpiya idman növü. 17 yarış günü ərzində 6000-dən çox idmançının öz xalqlarını təmsil edəcəyi gözlənilir.
İdman növlərinin doqquzu 2016-cı ildə keçiriləcək Rio De Janeyro Yay Olimpiadası üçün kvalifikasiya imkanları yaradacaq. Sözügedən idman növlərinin sırasına ox atma, atletika, çimərlik voleybolu, velosiped idmanı, atıcılıq, üzgüçülük, stolüstü tennis, taekvondo və triatlon daxildir.
Avropa Oyunlarının keçirilməsi Bakı şəhərinə Avropa Olimpiya Komitələri (EOC) tərəfindən 2012-ci ilin dekabr ayında həvalə olunmuşdur. Bakı Avropa Oyunları Əməliyyat Komitəsi (BEGOC) Oyunları EOC ilə əməkdaşlıq şəraitində təşkil edərək həyata keçirəcəkdir.
