8 yanvar 2014 00:17
Patrik Hikki: Bakının Avrooyunlara hazırlıq planında böyük tərəqqiyə nail olacağına əminəm
Avropa olimpiya komitəsinin prezidenti Patrik Hikki bildirib ki, 2014-cü il qitə olimpiya qurumu üçün vacib il olacaq. Azersiport.az xəbər verir ki, Patrik Hikki növbəti il şəhərimizdə keçiriləcək Avropa oyunlarına paytaxtımızın hazırlığı barədə fikir səsləndirib:
“Avropa oyunları Azərbaycanın birinci xanımı Mehriban Əliyeva və idman naziri Azad Rəhimov tərəfindən tam dəstək alır. Yarışı təşkil etmək üçün bizim 18 ay vaxtımız var. Bu yarış dünya səviyyəsində baş tutmalıdır. Bakının Avrooyunlara hazırlıq planında böyük tərəqqiyə nail olacağına əminəm”.
(Inside The Games)
