6 noyabr 2013 00:14
Bakı-2015-də bizi hansı atıcılar təmsil edəcək?
Biləcəri qəsəbəsində yerləşən Stend Atıcılığı İdman Kompleksi yenidən qurulur. Azerisport.az xəbər verir ki, bundan sonra həmin bazada təkcə bir idman növü fəaliyyət göstərməyəcək. Bakı-2015 ilə əlaqədar bu qurğuda güllə atıcıları da toplaşacaqlar.
Gənclər və İdman Nazirliyindən verilən məlumata görə, tikinti işləri beynəlxalq tələblərə cavab verir. Kompleksdə 25 və 50 metr məsafəli açıq tir, 10 metrdən atəş proqramına uyğun qapalı tir inşa olunur.
20-25 dekabrda paytaxtda Bünyadovun xatirəsinə beynəlxalq turnir keçiriləcək. 10 (kiçik çaplı tapança) və 25 metr (pnevmatik tapança) məsafələrə atəş proqramı “Neftçi” İSM-in Suraxanıda yerləşən bazasında, 50 metrlik (pnevmatik tapança) nişangah ADBTİA-nın tirində təşkil olunacaq.
Milli komandanın məşqçisi Vladimir Lunyov əməkdaşımıza deyib ki, gələn mövsüm onları ciddi sınaqlar gözləyir. Bütün hazırlıq isə, ilk Avropa oyunlarına hesablanıb:
“Kişi komandamızda yeni nəsil yetişir. Bir neçə perspektivli gənc var. Bunlar Rəsul Məmmədov, Xəlil Xəlilov və Urfan Axundovdu. Onlar, çox cüman, Avropa oyunlarında mübarizə aparacaqlar. Bundan savayı, təcrübəli Ruslan Lunyov da bizə kömək edəcək.
Qadınların yarışında olimpiya mükafatçısı İradə Aşumova çıxış edəcək. O, Bakıda Rio olimpiadasına lisenziya qazanmaq niyyətindədi”.
