Synergy Bakunun üzvü Azərbaycan çempionudu
Xızıda velosiped idmanının cüt və qrup ötüşmələri üzrə Azərbaycan çempionatına start verilib. Azerisport.az xəbər verir ki, velosiped idmanının şose növü üzrə keçirilən yarışda Azərbaycan Velosiped İdmanı Federasiyasının nəzdində fəaliyyət göstərən klub və cəmiyyətlərin müxtəlif yaş qrupları üzrə 70-dən artıq idmançısı mübarizə aparır.
Ölkə çempionatının iştirakçıları arasında Azərbaycanın ilk peşəkar kontinental velosiped komandası “Synergy Baku”nun 4 üzvü – Aqşin İsmayılov, Samir Cəbrayılov, Məhəmməd Ələkbərov və Maksim Averin də iştirak edir. Yeri gəlmişkən, Azərbaycan velosiped məktəbinin layiqli yetirməsi, 1978-ci il Dünya Veloyürüşünün qalibi, 6 qat SSRİ çempionu Aleksandr Averinin oğlu Maksim Averin bu ildən etibarən Azərbaycan yığma komandasının şərəfini qoruyur və o debüt etdiyi ölkə çempionatında çempionluq sevinci yaşayıb.
Respublika Olimpiya Ehtiyatları İxtisaslaşdırılmış Uşaq-Gənclər Velosiped İdmanı Məktəbinin təmsilçisi Elvin Nağıyevlə tandem təşkil edən Maksim Averin Elit və U-23 yaş qrupunda 40 km məsafəni hamıdan tez başa vurmaqla ən yüksək göstəriciyə imza atıb – 1 saat, 24 saniyə. 2-ci yeri tutan Samir Cəbrayılov – Məhəmməd Ələkbərov dueti çempion cütlüyə 1 dəqiqə, 4 saniyə uduzub.
Ölkə çempionatının 2-ci günündə qrup ötüşmələri üzrə qaliblər məlum olacaq.
Elit/U23 (40 km)
1 NAĞIYEV Elvin OEQİUGVM 1:00:24
AVERİN Maksim BCP
2 CƏBRAYILOV Samir BCP/NEFTÇİ 1:01:28
ƏLƏKBƏROV Məhəmməd BCP/LOKOMOTİV
3 QASIMOV Elçin OEQİUGVM 1:05:22
İLTİFATLI Ayxan OEQİUGVM
GƏNCLƏR (25 km)
1 ƏLİZADƏ Elgün 8OEQİUGM 0:38:44
QƏHRƏMANLI Kənan 8OEQİUGM
2 QARAYEV Nicat 8OEQİUGM 0:40:17
NİFTƏLİYEV Nicat 8OEQİUGM
3 MƏMMƏDOV Tərlan OEQİUGVM 0:44:31
ABUŞOV Vüsal OEQİUGVM
U17 (15 km)
1 NAPERSTKOV Maksim 8OEQİUGM 0:23:21
SƏFƏRLİ Mikayıl 8OEQİUGM
2 ORUCZADƏ Nicat 8OEQİUGM 0:23:53
ŞİRƏLİYEV Kərim LOKOMOTİV
3 RƏHİMOV Şamil OEQİUGVM 0:26:10
MƏMMƏDLİ Nicat OEQİUGVM
U15 (10 km )
1 İSGƏNDƏROV Xankişi 8OEQİUGM 0:17:23
XIDIROV Ravil 8OEQİUGM
2 ORLOV İvan OEQİUGVM 0:18:32
MUSTAFAYEV Qadir OEQİUGVM
3 ƏLİİSGƏNDƏROV Ülfan OEQİUGVM 0:19:29
HƏSƏNOV Maqsud OEQİUGVM
