30 iyun 2013 15:38
“Azərbaycanda insanlardan ancaq yüksək qonaqpərvərlik və xoş münasibət gördüm”
“Səyahətə Budapeştdən başlamışam. Serbiya, Bolqarıstan, Türkiyə ərazilərindən keçmişəm, indi də Azərbaycandayam. Buradan İrana, oradan isə Türkmənistana və Qırğızıstana gedəcəyəm. Sonra Rusiya, Ukrayna, Moldova və Rumıniyada olacağam. Bununla da 18 min kilometrlik məsafə qət edərək Macarıstana qayıdacağam”.
Azerisport.az xəbər verir ki, bu sözləri dünya səyahətinə çıxan macarıstanlı velosipedçi Qidveqi Uştoş Pal demişdir.
Qonaq Azərbaycan xalqının səmimiliyinin, eləcə də ölkəmizin təbii gözəlliklərinin onda xoş təəssürat yaratdığını demişdir. “Sizin ölkənizdə harada dayandımsa, insanlardan ancaq yüksək qonaqpərvərlik və xoş münasibət gördüm”, - deyə Qidveqi Uştoş Pal bildirmişdir.
Macarıstanlı velosipedçi Azərbaycanın hər yerində gedən böyük tikinti-quruculuq işlərinin onun diqqətini çəkdiyini də qeyd etmişdir. Onu da demişdir ki, Macarıstanla Azərbaycanı 5 min kilometr məsafə ayırsa da, təbiətində oxşarlıqlar çoxdur.
