25 iyul 2012 19:54
Tennis üzrə Baku Cup-2012 turniri davam edir
İyulun 25-də Bakı Tennis Akademiyasında “Baku Cup-2012” beynəlxalq turnirinin üçüncü gününə start verilib. Azerisport.az xəbər verir ki, Mərkəzi kortda turnirin ən yaşlı tennisçisi Tamarine Tanasuvaqarn (Tailand) və Maqdalena Rıbarıkova (Slovakiya) üz-üzə gəliblər.
Hazırda dünya reytinqində 113-cü yeri tutan 23 yaşlı slovakiyalı tennisçi rəqibini çətinlik çəkmədən məğlub edib – 2:0.
Birinci kortda Yuliya Kohen (ABŞ) və Alla Kudravtseva (Rusiya) münasibətlərinə aydınlıq gətiriblər. Turnirin 1 nömrəli favoriti Kseniya Pervakı məğlub edən amerikalı tennisçi bu görüşdə də qələbə qazanıb – 2:0. Bu qələbə ilə tennisçi dörddəbir finala vəsiqə qazanıb.
