Açıq Fransa çempionatı məkanını dəyişəcək (FOTO)

Bu gün Fransanın milli tennis federasiyasının baş direktoru Jilber İzern keçirdiyi mətbuat konfransında bildirib ki, 2016-bı ildən bu populyar yarış başqa yerdə təşkil olunacaq.

azerisport.az saytı xəbər verir ki, daha böyük sahəyə malik olan yeni məkanda keçiriləcək yarış digər “Böyük Dəbilqə” turnirləri ilə rəqabət aparmaq imkanına malik olacaq. Hazırda yer seçimi ilə əlaqədar üç variant müzakirə edilir. Yekun qərar gələn il veriləcək.

Tennis üzrə açıq Fransa çempionatı 1928-ci ildən məşhur “Rolan Qarros” kompleksində təşkil olunur. Komplekslə qüvvədə olan müqavilə 2015-ci ildə başa çatır.

Qeyd edək ki, tennisçilərin əksəriyyəti köçürülmə planını bəyənməyiblər. Bunların arasında Rocer Federer və Jüstin Enen də var.