Zaur Hacıbabayev ikinci dəfə dünya çempionu oldu

Çexiyada MMA üzrə keçirilən dünya çempionatına yekun vurulub. Azerisport.az xəbər verir ki, 40 ölkənin iştirak etdiyi mötəbər yarışda Azərbaycan baş məşqçi Etiqad Atakişiyevin rəhbərliyi altında 5 idmançıyla təmsil olunub.

Azərbaycan komandasında yalnız Zaur Hacıbabayev fərqlənib. Bütün rəqiblərinə qalib gələn Hacıbabayev 100 kq-dan yuxarı çəkidə karyerasında ikinci dəfə planetin ən güclüsü seçilib.

Qeyd edək ki, Zaur finalda Qazaxıstan təmsilçisi Məhəmməd Süleymanov üzərində nokautla qələbə qazanıb.

84 kq-da Taleh Nəcəfzadə, 61 kq-da isə Emin Hüseynov bürünc medala layiq görülüb.

Komanda hesabında Azərbaycan Rusiya və Qazaxıstandan sonra üçüncü yeri tutub.