Polo üzrə Avropa çempionatı öncəsi mətbuat konfransı keçiriləcək
Polo üzrə Avropa çempionatı ilə bağlı mətbuat konfransı və iştirakçı komandaların təqdimetmə mərasimi keçiriləcək. Azerisport.az xəbər verir ki, tədbir sentyabrın 3-də, saat 13:30-da “Bouelvard Hotel”də baş tutacaq.
Mətbuat konfransında komandalar və sponsorların təqdimatı keçiriləcək. Təqdimolunma ardıcıllığı aşağıdakı kimi olacaq:
Azərbaycan / Silvestre Garros / EMBAWOOD
Almaniya / Dirk Baumgärtner / GRYPHON RACING
İrlandiya / James d. Kennedy / ELITE HORSE & POLO CLUB
İtaliya / Alessandro Giachetti / GARACAY HOLDING
İspaniya / Luis Benjumea Llorente / JALƏ
İsveçrə / Adrian Laplacette / BOULEVARD HOTEL
Mətbuat konfransına bütün media nümayəndələri dəvətlidir. Tədbir zamanı Media işçilərinə yarış üçün akkreditasiyalar paylanacaq.
Xatırladaq ki, Sentyabrın 4-də Azərbaycan Respublikası Atçılıq Federasiyası, “Elite Horse and Polo Club” və “World Polo”-nun birgə təşkilatçılığı ilə, Binə qəsəbəsindəki Elite Horse & Polo Club-da 1-ci FİP Arena Polo Avropa Çempionatına start veriləcək. Turnir Sentyabrın 12-nə qədər davam edəcək.
