Tural Bayramov qalib gəldi, k-1 təmsilçimiz sabiq prezidentlə görüşdü

Moldovada K-1 üzrə beynəlxalq Qran-Pri turniri keçirilib. Azerisport.az xəbər verir ki, turnirdə Azərbaycanı iki idmançı təmsil edib.

75 kq-da ölkəmizi təmsil edən idmançımız Tural Bayramov Moldova döyüşçüsü Sergey Morariylə dueldən qalib ayrılıb. Döyüş ərzində rəqibə heç bir şans verməyən Bayramov parlaq qələbəylə zaldakı tamaşaçıların alqışını qazanıb.

Digər idmançımız 84 kq-da çıxış edən Ruslan Kobzev moldovalı Denis Apavaloaya qarşı döyüşdə məğlubiyyət acısı yaşayıb. Turnir zamanı K-1-in Azərbaycan və Yaxın Şərq üzrə rəsmi nümayəndəsi Elnur Məmmədov Moldovanın sabiq prezidenti Vladimir Voroninlə görüşüb.

Qeyd edək ki, Moldova turnirində qələbə qazanan Tural Bayramov gecənin əzmkar döyüşçüsü seçilib.