Yığmamız Dünya Kubokuna hazırdı
Azərbaycan Respublikası Atçılıq Federasiyası Polo üzrə Bakıda keçirilmiş “1-ci Dünya Kuboku”ndakı böyük uğurundan sonra 5-7 Sentyabr tarixlərində, “Binə Atçılıq Mərkəzi”nin tamamilə yeni inşa olunmuş Polo Arenasında 2-ci tarixi yarışı təşkil edəcək. Azerisport.az xəbər verir ki, polo üzrə Bakıda keçiriləcək 2-ci “Dünya Kuboku”unda Azərbaycanla yanşı Argentina, ABŞ və Avropa olmaq üzrə dörd peşəkar komanda iştirak edəcək.
Komandalar dünya şöhrətli Chopard, Maserati, Baltika 7 və Embawood brendlərini eləcə də digər sponsorlarını təmsil edəcəklər. Azərbaycan Respublikası Atçılıq Federasiyasında bildirilib ki, Ölkəmizin Polo komandası tarixində ilk dəfə Buenos Ayres şəhərində yerləşən “Alegria Polo Farm”dan olan peşəkar məşqçilər tərəfindən təlim keçib və yarışa yüksək səviyyədə hazırlaşıb. Bakıda keçiriləcək Dünya Kuboku 2014 üçün Azərbaycan komandasını Raul Laplacette və onun məşqçilər heyyəti həmçinin Hamburg şəhərindən gəlmiş dünya şöhrətli polo müəllimi Thomas Winter hazırlayıbr. 5 sentyabr yarışlardan sonra “Jumeirah Bilgah Beach Hotel”-də diskoteka, 6 sentyabr dünyaca məşhur “İn-Grid” və “I Love İtaly” qruplarının konsert proqramı və 7 sentyabr bağlanış tədbiri keçiriləcək. Biletləri şəhər kassalarından, “Kempinski Hotel Badamdar” ,“Khazar Golden Beach Hotel” və “Elite Horse and Polo Club”-dan əldə edə bilərsiz.
