18 aprel 2014 17:00
Avropa çempionatında ilk dəfə olaraq çıxış etmiş Azərbaycan idmançıları barədə məqalə dərc edilib
Bldiyiniz kimi, Azərbaycan Səmti Müəyyən Etmə İdman Federasiyası son 2 il ərzində bu idman növünün ölkəmizdəki inkişafına istiqamətləndirilmiş layihələri xüsusi fəallıqla həyata keçirir. Azerisport.az xəbər verir ki, bu, beynəlxalq idman ictimaiyyəti tərəfindən Azərbaycandakı səmti müəyyən etmə idmanına qarşı böyük maraq doğurur.
Beynəlxalq Səmti Müəyyən Etmə Federasiyasının (International Orienteering Federation) rəsmi saytında səmti müəyyən etmə üzrə Avropa Çempionatında ilk dəfə olaraq çıxış etmiş Azərbaycan idmançıları barədə məqalə dərc edilmişdir: “Azərbaycan Avropa Çempionatına ilk dəfədir ki qatılır. Ölkənin keçmiş və indiki səmti müəyyən etmə idmanı yüksəklərə doğru istiqamətdədir. Azərbaycan Səmti Müəyyən Etmə Federasiyasının Prezidenti olan, bu idman növünün ölkəsində inkişaf etməsi və milli yığmanın beynəlxalq arenadakı nəticələrini daha da yaxşılaşması üçün səylə və böyük həvəslə çalışan Mirəli Kazımov bildirmişdir ki, 2014-cü ilin iyul ayında İtaliyada baş tutacaq Dünya Çempionatında Azərbaycanı daha da geniş komanda təmsil edəcək. Səmti müəyyən etmə Azərbaycanda 50 il bundan öncə yaranmışdır. Lakin Sovet Hökuməti dağıldıqdan sonra bu idman növünün ölkəmizdəki inkişafı tam olaraq dayanmışdır. Bu gün biz dövlət tərəfindən idmanımıza qarşı böyük diqqət və dəstək alırıq, bu da səmti müəyyən etmənin Azərbaycanda fəal inkişafına təsir edir”, - Mirəli Kazımov.
Milli yığmanın üzvü olan Şəhriyar İsmayılov bildirmişdir ki, səmti müəyyən etmə idmanı ilə cəmi bir ildir ki məşqul olur. Lakin o bu idmanı surətlə öyrənir, və Azərbaycan milli yığmasının digər üzvləri kimi ilk dəfədir Avropa Çempionatında iştirak edir.
