11 mart 2014 12:25
Bəxtiyar Abbasov ONE FC-də döyüşəcək
Azərbaycanı və "Qəbələ" İdman Klubunu MMA idman növündə beynəlxalq döyüşlərdə təmsil edən Bəxtiyar Abbasov Asiyanın ən reytinqli turniri olan "One Fighting Championship" turnirində iştirak edəcək. Azerisport.az xəbər verir ki, mötəbər yarışda debüt edəcək idmançımız mayın 30-da Sinqapurda rinqə çıxacaq. Döyüşçümüzün rəqibi hələ ki, müəyyənləşməyib.
28 yaşlı Bəxtiyar Abbasov MMA döyüşlərində 5 ildən artıqdır yer alır. Abbasovun aktivində ilk raundda qələbə qazandığı 13 döyüşü var. 2011-ci ilin dekabrında idmançımız ProFC - Grand Prix Global Finals turnirində Laslo Solteş üzərindəki qələbəsindən sonra ProFC kəmərini qazanıb. Bəxtiyar Abbasov PROFC-GPG çempionu, pankration üzrə dünya çempionu, sambo üzrə dünya çempionu, ciu-citsu üzrə dünya çempionu, əlbəyaxa döyüş üzrə dünya çempionu, sambo üzrə Dünya kuboku çempionu, döyüş sambosu üzrə Avropa çempionu, sambo üzrə Azərbaycan çempionu, cüdo üzrə Azərbaycan çempionu kimi titullara sahibdir. O, beynəlxalq dərəcəli idman ustasıdır.
28 yaşlı Bəxtiyar Abbasov MMA döyüşlərində 5 ildən artıqdır yer alır. Abbasovun aktivində ilk raundda qələbə qazandığı 13 döyüşü var. 2011-ci ilin dekabrında idmançımız ProFC - Grand Prix Global Finals turnirində Laslo Solteş üzərindəki qələbəsindən sonra ProFC kəmərini qazanıb. Bəxtiyar Abbasov PROFC-GPG çempionu, pankration üzrə dünya çempionu, sambo üzrə dünya çempionu, ciu-citsu üzrə dünya çempionu, əlbəyaxa döyüş üzrə dünya çempionu, sambo üzrə Dünya kuboku çempionu, döyüş sambosu üzrə Avropa çempionu, sambo üzrə Azərbaycan çempionu, cüdo üzrə Azərbaycan çempionu kimi titullara sahibdir. O, beynəlxalq dərəcəli idman ustasıdır.
