12 noyabr 2012 11:43
Azərbaycan taekvondoçuları ilkə imza atdılar
İsveçrənin açıq çempionatında iştirak edən Azərbaycan taekvondoçuları beynəlxalq turniri uğurla başa vurublar. Azerisport.az xəbər verir ki, Lozannada Olimpiya çəki dərəcələrində keçirilən mötəbər yarışda 1 qızıl, 2 gümüş və 1 bürünc medal qazanan idmançılarımız kişilər arasında ümumi komanda hesabında birinci nəticə göstəriblər.
Elvin Məmmədovla (- 80 kq) final görüşünün baş mükafatı Ramin Əzizova, digər gümüş medal Fariz Əliyevə (- 68 kq), 3-cü yer isə Günay Ağakişiyevaya (- 57 kq) nəsib olub.
Azərbaycan taekvondoçuları ilk dəfədir ki, "A" kateqoriyalı turnirlərdə kişilər arasında belə yükək nəticə göstərirlər.
Baş məşqçi, respublikanın əməkdar məşqçisi Ələkbər İmaməliyev və əməkdar məşqçi Gündüz Abdullayevin rəhbərlik etdiyi milli komandamız vətənə noyabrın 13-də dönəcək. (Trend)
