4 avqust 2012 15:09
Mustafayeva Olimpiadanı 12-ci pillədə başa vurdu (YENİLƏNİB)
Azərbaycanın qadın akademik avarçəkəni Nataliya Mustafayeva bu gün London Yay Olimpiya Oyunlarında son sınağına çıxıb. Azerisport.az xəbər verir ki, turnirin əsas finalına yüksələ bilməyən 27 yaşlı idmançımız B finalında 7-12-ci yerlər uğrunda mübarizə aparıb.
1 nəfərlik qayıqla (W1X) çıxış edən Mustafayeva 2000 metr məsafəyə yürüşdə rusiyalı Yuliya Levina, litvalı Donata Vistartayte, almaniyalı Mariya-Luisa Dreger, isveçli Frida Svensson və amerikalı Jenevra Stoundan güclü olmağa çalışıb. Lakin təəssüf ki, təmsilçimiz bu yarışda da ciddi uğur qazana bilməyib. O, bütün rəqiblərin geri qalaraq, Olimpiadanı 12-ci yerdə başa vurub - 8:23.64.
Nataliyanın digər rəqiblərinə gəlincə, ABŞ idmançısı bu qrupda 1-ci (olimpiadada 7-ci), Litva avarçəkəni 2-ci, Rusiya təmsilçisi isə 3-cü olub.
Qeyd edək ki, akademik avarçəkmə yarışlarında kişilərin 1 nəfərlik qayıqla (M1X) 2000 metr məsafəyə yürüşündə Aleksandr Aleksandrov əsas finala vəsiqə qazansa da, o, sadəcə beşinci yeri tuta bilmişdi.
