2 noyabr 2013 13:09
Peter Zayzenbaher titullu cüdoçularımızı cərimələdi
Milli komandamızın baş məşqçisi Peter Zayzenbaher aparıcı cüdoçularımızı cərimələyib. Bu barədə azerisport-un əməkdaşına etibarlı mənbədən məlumat verilib. Deyilib ki, avstriyalı mütəxəssis seçmə kollektivin bir neçə üzvünü ötən ay 1-də məşqə keçikdiyi, Qurban bayramında isə, hazırlığa gəlmədiyi üçün maaşlarından kəsib.
Cərimələnlər arasında xeyli titullu cüdoçu var. Zayzenbaher çıxardığı qanunlarında sərtdir və ən yüksək nəticə vermiş idmançını belə, bağışlamır. Onun şətrinə görə, millinin üzvləri əmək haqqını reytinqə görə alırlar.
Dünya sıralamasında ilk 8 yerdə qərarlaşanlar 1000, 9-22-ci mövqelərdə 500, 22-35-ci olanlar hər ay 250 manat qazanırlar. Eyni qanun qadınlara da tətbiq olunub. Xanım cüdoçuların ümumi siyahısında ilk 16 pillənin sahibi olimpiadaya lisenziya əldə edir.
Avstriyalı çalışdırıcının qərarına əsasən, bu olimpiya reytinqində mövqeyini itirən idmançıların məvacibləri növbəti aydan kəsilir. Avropa və dünya çempionatlarındə fərqlənən kimono ustaları yüksək mükafatla yanışı, sonrakı bir il müddətinə qədər əlavə maaş alırlar.
Avropalı mütəxəssisin məşq üslubu da bizimkilərdən seçilir. Gündə 2 dəfə, minimum 3 saat məşq keçən Zayzenbaher, cüdoçuları yükləyir. Buna alışıq olmayan komanda üzvləri narazı olsalar da, bu, ümumi işin xeyrinədər. Fiziki güclülük və dayanıqlılıq müasir cüdonün əsas tələblərindəndir.
Tibbi müayinə və bərpaya da xüsusi önəm verən avstriyalı baş məşqçi, komandanı daim nəzarətdə saxlayır. Əldə etdiyimiz başqa bilgiyə görə, həyatda da ciddi olan Zayzenbaherə sözü və xahişi, cüdoçularımız, zarafata salıb deyirlər.
