Azərbaycan cüdoçularından DÇ-də 5-ci medal

Mayamidə keçirilən veteran cüdoçuların dünya çempionatında Azərbaycan millisinin uğurlu çıxışı davam edir. Azerisport.az xəbər verir ki, bu dəfə M-2 kateqoriyası üzrə ağır şəkidə mübarizə aparan Zaur Bağırov ölkəmizə növbəti gümüş medalı qazandırıb.

ABŞ təmsilçisi Dahs Bleyn və Braziliya idmançısı Rikardo Almeydaya qalib gələn cüdoçumuz həlledici görüşdə Əlcəzair atleti Həsən Azzouna uduzaraq dünya çempionatında 2-ci yeri tutub.

Qeyd edək ki, bu Azərbaycan millisinin Amerikada qazandığı 5-ci medaldır. Buna qədər veteran cüdoçularımız Fərhad Rəcəbli və Zaur Paşayev qızıl, Zülfiyyə Hüseynova gümüş, Mübariz Cəfərov isə bürünc medala sahib olub.