19 fevral 2011 19:24
Qran Prinin ilk günündə uğursuzluğa düçar olduq (YENİLƏNİB)
Bu gün Almaniyanın Düsseldorf şəhərində Qran Pri yarışına start verilib. Azerisport.az xəbər verir ki, iki gün davam edəcək yarışda Azərbaycanın cüdo üzrə yığması da qüvvəsini sınayır.
Qeyd edək ki, yığma komandanın baş məşqçisi Ağayar Axundzadənin rəhbərliyi altında ümumilikdə 9 cüdoçumuz - İlqar Müşkiyev (60 kq), Tərlan Kərimov (66 kq), Renat Mirzəliyev (73 kq) Elnur Məmmədli (81 kq), Elxan Məmmədov, Ramin Qurbanov (hər ikisi 90 kq), Elmar Qasımov (100 kq), Emil Tahirov (+100 kq), Kifayət Qasımova (57 kq) və Ramilə Yusubova (63 kq) Qran Pri uğrunda mübarizə aparmaq hüququ qazanmışdı.
İlk oyun günündə, yəni bu gün 5 idmançımız mübarizəyə qoşulub ki, onların da çıxışları aşağıdakı kimi uğursuz alınıb:
19 Fevral
73 kq-da Renat Mirzəliyev rəqibi Zeng Qinqdonqa (Çin) məğlub olaraq mübarizəni elə ilk mərhələdə dayandırıb.
66 kq-da isə Tərlan Kərimov tunisli Xalfaul Houcem ilə görüşdən qələbəylə ayrılmağı bacarıb. Növbəti mərhələdə onun rəqibi rusiyalı Kamal Xan-Maqomedov oldu. İdmançımız bu rəqibini də mübarizədən kənarlaşdırmağı bacarıb və 1/4 finala çıxıb. Bu mərhələdə idmançımızın rəqibi koreyalı Jun Xo Ço idi. Tərlan koreyalı ilə mübarizədə məğlubiyyətdən qaça bilməyib və 5-ci yerlə kifayətlənib.
57 kq-da Kifayət Qasımova Quadros Ketleyn (Braziliya) ilə qarşılaşıb və 17 saniyə ərzində rəqibini ippon vəziyyətinə salaraq, növbəti mərhələyə adlayıb. O, növbəti rəqibi sloveniyalı Vosney Cukiçi də məğlub edir və 1/4 finala adlayır. Lakin burdakı rəqibi yaponiyalı Kaori Matsumoto olan Qasımova məğlubiyyətlə üzləşib.
63 kq-da Ramilə Yusubova Qazaxıstan idmançısı Aldikova Zarina ilə görüşüb və qələbə qazanıb. Lakin növbəti mərhələdə o rusiyalı Veroy Kovala məğlub olub.
Sabah isə komandamız aşağıdakı cütlüklərlə mübarizə aparmalı olacaq:
20 Fevral
81 kq: Elnur Məmmədli - Keller Kristof (İsveçrə) – Fernandes Conatan (ABŞ) cütünün qalibi
90 kq: Elxan Məmmədov- Matey Daniel (Rumıniya) - Rosati Dieqo (Argentina) cütünün qalibi
90 kq: Ramin Qurbanov - Kardenas İsao (Meksika)
100 kq: Elmar Qasımov - Maxmadov Zəfər (Rusiya)
+100 kq: Emil Tahirov - Hanjiliaşvili Zviad (Gürcüstan)
