24 aprel 2014 00:28
Maqnus Karlsen Şəmkirdəki məğlubiyyətdən danışdı
"Shamkir Chess 2014" turnirində 4-cü turda Fabiano Karuanaya uduzmuş Maqnus Karlsen mətbuat konfransında suallara cavab verib. Azerisport.az xəbər verir ki, dünya çempionu məğlubiyyəti səhvlərlə izah edib:
"Debütdə səhvlərim oldu. Ötən gün uğursuz partiyadan sonra normal hazırlaşa bilmədim. Məğlubiyyət üzücüdür. Əlbəttə, qələbədən sonra daha yaxşı əhval olur. Uduzmaq istəməzdim. Lakin səhvlərim rəqibə kömək oldu. Növbəti turlarda bunu unutdurmağa çalışacam".
Karlsenə qalib gəlmiş İtaliya şahmatçısı Fabiano Karuana isə qələbəni düzgün hazırlıqla əlaqələndirib: "Yaxşı oynayaraq, qələbə qazandım. Rəqib səhvlər etdi. Vəziyyəti düzgün qiymətləndirdim və sonda qalib gəldim. Qələbə xoşdur. Özü də dünya çempionu üzərində qələbə daha böyük sevinc gətirir. Karlsenlə çox oynamışıq. Etiraf edim ki, ona məğlub olduqlarım partiyalar da olub".
Karlsenə qalib gəlmiş İtaliya şahmatçısı Fabiano Karuana isə qələbəni düzgün hazırlıqla əlaqələndirib: "Yaxşı oynayaraq, qələbə qazandım. Rəqib səhvlər etdi. Vəziyyəti düzgün qiymətləndirdim və sonda qalib gəldim. Qələbə xoşdur. Özü də dünya çempionu üzərində qələbə daha böyük sevinc gətirir. Karlsenlə çox oynamışıq. Etiraf edim ki, ona məğlub olduqlarım partiyalar da olub".
