24 aprel 2014 00:01
Aleksandr Motılyov: Karyakinə qalib gəlsəydi, artıq Karlseni saxlamaq mümkün olmazdı
“Shamkir Chess 2014” turnirində çıxış edən Avropa çempionu Aleksandr Motılyov azerisport.az saytına müsahibəsində startdakı çıxışı barədə danışıb, Vüqar Həşimov haqda xatirələrini bölüşüb, eləcə də, Maqnus Karlsenin lider olduğunu etiraf edib:
- 3 turdan sonra aktivinizdə 1,5 xal var. Startdakı çıxışınıcı necə qiymətləndirirsiniz?
- İlk turda Nicat Abbasovla heç-heçə oynadım. Kompüterdə baxanda da fərqli çıxış yolu göstərmədi. Azərbaycanlı şahmatçı səliqəli oynadı, səhvə yol vermədi. Əlbəttə, belə rəqibə qarşı oynamaq müəyyən mənada, çətinlik yaradır. "Berlin müdafiə"sini tətbiq edirdi. Hücum etməyə imkan olmadığı üçün heç-heçəyə razılaşdıq. Nicatın oyunu xoşuma gəldi. İkinci tur Rauf Məmmədova qalib gəldim. Sonra isə polşalı Voydaşekə uduzdum. Hələlik çıxışımı normal hesab edirəm.
- "B" turnirində Etyen Bakro liderlik edir. Bu turnirdə sənin üçün ən arzuolunmaz rəqib kimdir?
- “Shamkir Chess 2014”-də hər bir şahmatçı yaxşı oynamaq istəyir. Statistikaya o qədər fikir vermirəm. Amma hər bir şahmatçı qələbə qazanmağa çalışır. İlk turlar bir qədər kəşfiyyat xarakterli idi. Turnirin son partiyaları daha maraqlı olacaq. Həm “A”, həm “B” qrupunda əsl mübarizə irəlidədir. İstərdim ki, Şəmkiri mükafatçı kimi tərk edim.
- “A” turnirində hamı Maqnus Karlsendən danışır. Yəni, doğurdan onu dayandırmaq çətindir?
- Maqnus dünya çempionudur. FIDE reytinqində liderdir. Etiraf etmək lazımdır ki, hazırda dünyanın ən güclü şahmatçılarından biridir. Ona qarşı oynamaq çətindir. Özü də rəqibləri də başa düşür ki, Karlsenə qarşı çətin vəziyyətə düşəndə, məğlubiyyət qaçılmaz olur. Bununla belə, Karlsen 3-cü turda Karyakinlə heç-heçə oynadı. Ona görə proqnozları saxlamaq lazımdır. Əgər ardıcıl 3-cü qələbə olsaydı, norveçlini saxlamaq mümkün olmayacaqdı.
- “Shamkir Chess” 2014 turniri mərhum şahmatçı Vüqar Həşimovun xatirəsinə həsr olunub. Onun haqda xatirəni bizimlə bölüşməni istərdik...
- Vüqar Həşimov işıqlı insan idi. Bilirsiniz, insan var ki, onunla ünsiyyətdən zövq alırsan. Həşimov hər zaman yaxşı əhvalda olub. Məğlub olanda belə, gülümsəyərdi. Rəqibə kədərli olduğunu göstərməzdi. Əsl centlmen idi. Onunla bir neçə turnirdə iştirak etmişəm. Hər zaman oyunundan zövq almışam. Liderlik keyfiyyətləri var idi. Bir dəfə turnirin istirahət günündə Vüqarla yeniyetmələrdən ibarət peşəkar komandaya qarşı futbol oynadıq. Çox gözəl oynayırdı. Biz Vüqarla həmin oyunda qələbə qazandıq. Onun olmamasını dərk etmək, mənim üçün çox çətindir.
- Yeri gəlmişkən, Şəmkir turnirində istirahət günü şahmatçılar arasında futbol matçı olacaq. Hansı həmkarını komandada görmək istərdin?
- Əgər dünya yığmasa olsa böyük məmnuniyyətlə Maqnusu öz komandamda görmək istərdim. Bakro yaxşı oynayır. Fikrimcə futbol matçı hər bir turnir iştirakçısının yaddaşında iz buraxacaq. Ümumiyyətlə, “Shamkir Chess 2014” turniri yüksək səviyyədə təşkil olunub. Bütün iştirakçılar turnirin ənənəvi olmasını arzulayır.
- Şəmkirə Avropa çempionu kimi gəlmisiniz. Təəssüratlarınızı bilmək istərdik...
- Avropa çempionatında qələbə qazanmağım məni çox sevindirdi. İstənilən adam əziyyətinin bəhrəsinin görmək istəyir. Düzünü deyim ki, çempion olacağımı gözləmirdim. Ona görə bir qədər təəccübləndim. Avropa çempionu olmaq, hər bir şahmatçının arzusudur. İndi üzərimdə daha çox işləməliyəm. Fikrimcə, ən böyük qələbələrim irəlidədir.
- Avropa çempionluğu həyatınızda nəyi dəyişdi?
- İndi oğlumun gözünə düz baxa bilirəm (gülür). Hər dəfə şahmatla saatlarla məşğul olmağımı görəndə deyirdi ki, ata, bəsdir. Soruşurdu ki, nə etmisən, sən, bu şahmatda? Deyirdi, heç nə qazanmamısan. İndi deyirəm ki, oğlum, atan Avropa çempionudur.
- 3 turdan sonra aktivinizdə 1,5 xal var. Startdakı çıxışınıcı necə qiymətləndirirsiniz?
- İlk turda Nicat Abbasovla heç-heçə oynadım. Kompüterdə baxanda da fərqli çıxış yolu göstərmədi. Azərbaycanlı şahmatçı səliqəli oynadı, səhvə yol vermədi. Əlbəttə, belə rəqibə qarşı oynamaq müəyyən mənada, çətinlik yaradır. "Berlin müdafiə"sini tətbiq edirdi. Hücum etməyə imkan olmadığı üçün heç-heçəyə razılaşdıq. Nicatın oyunu xoşuma gəldi. İkinci tur Rauf Məmmədova qalib gəldim. Sonra isə polşalı Voydaşekə uduzdum. Hələlik çıxışımı normal hesab edirəm.
- "B" turnirində Etyen Bakro liderlik edir. Bu turnirdə sənin üçün ən arzuolunmaz rəqib kimdir?
- “Shamkir Chess 2014”-də hər bir şahmatçı yaxşı oynamaq istəyir. Statistikaya o qədər fikir vermirəm. Amma hər bir şahmatçı qələbə qazanmağa çalışır. İlk turlar bir qədər kəşfiyyat xarakterli idi. Turnirin son partiyaları daha maraqlı olacaq. Həm “A”, həm “B” qrupunda əsl mübarizə irəlidədir. İstərdim ki, Şəmkiri mükafatçı kimi tərk edim.
- “A” turnirində hamı Maqnus Karlsendən danışır. Yəni, doğurdan onu dayandırmaq çətindir?
- Maqnus dünya çempionudur. FIDE reytinqində liderdir. Etiraf etmək lazımdır ki, hazırda dünyanın ən güclü şahmatçılarından biridir. Ona qarşı oynamaq çətindir. Özü də rəqibləri də başa düşür ki, Karlsenə qarşı çətin vəziyyətə düşəndə, məğlubiyyət qaçılmaz olur. Bununla belə, Karlsen 3-cü turda Karyakinlə heç-heçə oynadı. Ona görə proqnozları saxlamaq lazımdır. Əgər ardıcıl 3-cü qələbə olsaydı, norveçlini saxlamaq mümkün olmayacaqdı.
- “Shamkir Chess” 2014 turniri mərhum şahmatçı Vüqar Həşimovun xatirəsinə həsr olunub. Onun haqda xatirəni bizimlə bölüşməni istərdik...
- Vüqar Həşimov işıqlı insan idi. Bilirsiniz, insan var ki, onunla ünsiyyətdən zövq alırsan. Həşimov hər zaman yaxşı əhvalda olub. Məğlub olanda belə, gülümsəyərdi. Rəqibə kədərli olduğunu göstərməzdi. Əsl centlmen idi. Onunla bir neçə turnirdə iştirak etmişəm. Hər zaman oyunundan zövq almışam. Liderlik keyfiyyətləri var idi. Bir dəfə turnirin istirahət günündə Vüqarla yeniyetmələrdən ibarət peşəkar komandaya qarşı futbol oynadıq. Çox gözəl oynayırdı. Biz Vüqarla həmin oyunda qələbə qazandıq. Onun olmamasını dərk etmək, mənim üçün çox çətindir.
- Yeri gəlmişkən, Şəmkir turnirində istirahət günü şahmatçılar arasında futbol matçı olacaq. Hansı həmkarını komandada görmək istərdin?
- Əgər dünya yığmasa olsa böyük məmnuniyyətlə Maqnusu öz komandamda görmək istərdim. Bakro yaxşı oynayır. Fikrimcə futbol matçı hər bir turnir iştirakçısının yaddaşında iz buraxacaq. Ümumiyyətlə, “Shamkir Chess 2014” turniri yüksək səviyyədə təşkil olunub. Bütün iştirakçılar turnirin ənənəvi olmasını arzulayır.
- Şəmkirə Avropa çempionu kimi gəlmisiniz. Təəssüratlarınızı bilmək istərdik...
- Avropa çempionatında qələbə qazanmağım məni çox sevindirdi. İstənilən adam əziyyətinin bəhrəsinin görmək istəyir. Düzünü deyim ki, çempion olacağımı gözləmirdim. Ona görə bir qədər təəccübləndim. Avropa çempionu olmaq, hər bir şahmatçının arzusudur. İndi üzərimdə daha çox işləməliyəm. Fikrimcə, ən böyük qələbələrim irəlidədir.
- Avropa çempionluğu həyatınızda nəyi dəyişdi?
- İndi oğlumun gözünə düz baxa bilirəm (gülür). Hər dəfə şahmatla saatlarla məşğul olmağımı görəndə deyirdi ki, ata, bəsdir. Soruşurdu ki, nə etmisən, sən, bu şahmatda? Deyirdi, heç nə qazanmamısan. İndi deyirəm ki, oğlum, atan Avropa çempionudur.
