24 aprel 2014 21:11
Teymur Rəcəbov: Karlsenə qarşı aqressiv oynamaq istəyirdim
“Shamkir Chess 2014” turnirinin 5-ci turunda dünya çempionu Maqnus Karlsenə qalib gəlmiş Teymur Rəcəbov azerisport.az saytına müsahibə verib.
Azərbaycanlı şahmatçı partiya haqda belə danışıb: "Debütdən mənə tanış olan taktikanı seçmişdim. Uzun illərdir, məhz bu taktika ilə oynayıram. Əlbəttə, elit şahmatçıya qarşı oynamaq, hər zaman çətindir. Gedişləri əvvəlcədən tapmaq çətindir. Səhvdən istifadə edib oyunu qələbəyə daşıdım. Maraqlı oyun oldu. Ötən gün Karuananın uğuruna əsasən, hazırlaşmamışam. Mənim üçün əsas, öz oyunumdur".
- 27-ci dəfə Maqnus Karlsenə qarşı oynadınız. Hansı partiya yaddaqalan olub?
- Maqnusa qarşı çox oynamışam. Son dəfə 6 il əvvəl Linares superturnirində Karlsenə qalib gəlmişəm. Ondan sonra çox oynamışıq. Bəzi hallarda nəticə onun xeyrinə olub. Çox güclü şahmatçıdır. Bu gün oynadığımız partiya da asan başa gəlmədi. Karlsen FIDE reytinqində 1-cidir. Bunu unutmaq olmaz.
- Ötən gün mətbuat konfransında sizdən son dəfə nə vaxt qələbə qazandığınız soruşuldu. Demək olar ki, bu qələbə ilə hamıya cavab verildi...
- Mən belə suallara adətən, cavab vermirəm. 14 ildir şahmat oynayıram. Hər zaman şahmatı daha çox sevirəm. Sevdiyim oyunla məşğul oluram. Mən belə suallara fikir vermirəm. Məqsədim, öz oyunumu oynamaqdır.
- 4-cü turda Karuana Karlsenə qalib gəldi. Bəlkə, dünya çempionu özünə gəlməyi bacarmadı?
- Karuana yaxşı oynadı. Lakin Karlsen elə şahmatçı deyil ki, məğlubiyyətdən sonra özünə gəlməsin. Karlsen dünya səviyyəli şahmatçıdır. Gizlətmirəm ki, ona qarşı aqressiv oynamaq istəyirdim. Lazım gələndə, risk etməyə də hazır idim. Fikrimcə, Karlsenlə oyunum yaxşı alındı.
- Nə vaxt qələbə qazanacağınızı hiss etdiniz?
- с6 gedişindən qələbənin yaxınlaşdığını anladım. Bir qədər rahat oynamağa başladım. Getdikcə, Maqnusun başqa çıxış yolu olmadığını görürdüm.
- Xallar demək olar ki, bərabərdir. Fərq çox az olacaq. İstirahət günündən sonra mübarizənin yenidən başladığını demək olar...
- Turnir cədvəlinə o qədər diqqət yetirmirəm. Hər bir rəqiblə oyunda yaxşı oynamağa çalışıram. Sonda turnir cədvəlinə baxmaq imkanı olacaq. Şəmkir turnirində yaxşı oyun sərgiləmək istəyirəm. Bir daha təşəkkür edirəm. Belə gözəl turnirdə oynamaq, hər bir şahmatçıya xoşdur.
- 27-ci dəfə Maqnus Karlsenə qarşı oynadınız. Hansı partiya yaddaqalan olub?
- Maqnusa qarşı çox oynamışam. Son dəfə 6 il əvvəl Linares superturnirində Karlsenə qalib gəlmişəm. Ondan sonra çox oynamışıq. Bəzi hallarda nəticə onun xeyrinə olub. Çox güclü şahmatçıdır. Bu gün oynadığımız partiya da asan başa gəlmədi. Karlsen FIDE reytinqində 1-cidir. Bunu unutmaq olmaz.
- Ötən gün mətbuat konfransında sizdən son dəfə nə vaxt qələbə qazandığınız soruşuldu. Demək olar ki, bu qələbə ilə hamıya cavab verildi...
- Mən belə suallara adətən, cavab vermirəm. 14 ildir şahmat oynayıram. Hər zaman şahmatı daha çox sevirəm. Sevdiyim oyunla məşğul oluram. Mən belə suallara fikir vermirəm. Məqsədim, öz oyunumu oynamaqdır.
- 4-cü turda Karuana Karlsenə qalib gəldi. Bəlkə, dünya çempionu özünə gəlməyi bacarmadı?
- Karuana yaxşı oynadı. Lakin Karlsen elə şahmatçı deyil ki, məğlubiyyətdən sonra özünə gəlməsin. Karlsen dünya səviyyəli şahmatçıdır. Gizlətmirəm ki, ona qarşı aqressiv oynamaq istəyirdim. Lazım gələndə, risk etməyə də hazır idim. Fikrimcə, Karlsenlə oyunum yaxşı alındı.
- Nə vaxt qələbə qazanacağınızı hiss etdiniz?
- с6 gedişindən qələbənin yaxınlaşdığını anladım. Bir qədər rahat oynamağa başladım. Getdikcə, Maqnusun başqa çıxış yolu olmadığını görürdüm.
- Xallar demək olar ki, bərabərdir. Fərq çox az olacaq. İstirahət günündən sonra mübarizənin yenidən başladığını demək olar...
- Turnir cədvəlinə o qədər diqqət yetirmirəm. Hər bir rəqiblə oyunda yaxşı oynamağa çalışıram. Sonda turnir cədvəlinə baxmaq imkanı olacaq. Şəmkir turnirində yaxşı oyun sərgiləmək istəyirəm. Bir daha təşəkkür edirəm. Belə gözəl turnirdə oynamaq, hər bir şahmatçıya xoşdur.
