25 oktyabr 2013 22:44
SOCAR-Azerbaijan və Odlar Yurdu məğlub oldu
Yunanıstanın Rodos adasında şahmat klublarının Avropa kuboku uğrunda mübarizəsi davam edir. Azerisport.az xəbər verir ki, bu gün 6-cı tur oynanılıb. Yarışın favoritlərindən sayılan “SOCAR-Azerbaijan” Çex Respublikasının “Novı Bor” komandası ilə qarşılaşıb.
Gərgin mübarizədə “neftçilər” öncə hesabda irəlidə olsalar da, sonradan təşəbbüsü əldən verərək, yarışda ilk məğlubiyyətini alıblar - 2,5:3,5. Bu yenilgiyə baxmayaraq, Azərbaycan klubu liderliyini qoruyub.
Digər təmsilçimiz, “Odlar Yurdu”, eyni hesabla Sankt-Peterburq Şahmat Federasiyasının komandasına məğlub olub.
Turnir cədvəli: SOCAR - 10 xal (23,5 şəxsi), Novı Bor 9 (20,5), ”Odlar yurdu” - 8 (2).
Novı Bor - SOCAR-Azerbaijan 3,5:2,5
David Navara - Fabiano Karuana 1:0
Radoslav Voytaşek - Veselin Topalov 1:0
Viktor Lazniçka - Qata Kamski 1:0
Krişnan Saşikiran - Şəhriyar Məmmədyarov 0,5:0,5
Zbinek Xraçek - Van Xao 0:1
Mateuş Bartel - Aniş Qiri 0:1
Sankt-Peterburq Şahmat Federasiyası - Odlar Yurdu 3,5:2,5
Petr Svidler - Emil Sutovski 0,5:0,5
Lenyer Dominges - Vasif Durarbəyli 0,5:0,5
Nikita Vityuqov - Nicat Məmmədov 1:0
Maksim Matlakov - Vüqar Rəsulov 1:0
Vadim Zvyaginçev - Rauf Məmmədov 0:1
İldar Xayrullin - Zaur Məmmədov 0,5:0,5
