24 iyul 2012 00:14
Şahmat Olimpiadasının qalibləri müəyyənləşdi
Qusar Olimpiya İdman Kompleksində gənclər arasında respublika Şahmat Olimpiadası başa çatıb. Azerisport.az xəbər verir ki, 14-16 yaşlarında şahmatçıların “A” turnirində Aqil Pirverdiyev ən yaxşı nəticə göstərib.
Aqil İsveçrə sistemi üzrə keçirilən 10 turda 8,5 xal toplayıb. Hərəsi 8 xal toplamış Elvin Bayramov və Aytən Hamrayeva da ilk üçlüyə daxil olublar.
8-12 yaşlı şahmatçıların yarışdığı “B” turnirində 10 mümkün xaldan 10 xal toplamış Niyazi Nağdıyev maksimum nəticə göstərərək qalib gəlib. Sonrakı yerləri hərəsi 8,5 xal toplamış Məhəmməd Muradlı və Rauf Murtuzov tutub.
