12 noyabr 2011 00:11
Azərbaycan Avropa ikincisi oldu
Yunanıstanın Porto Karras şəhərində keçirilən şahmat üzrə komandalararası Avropa çempionatı başa çatıb. Azerisport.az xəbər verir ki, ötən gün turnirin həlledici - doqquzuncu turunun oyunları baş tutub.
Komandamız son turda Rumıniya ilə görüşüb. Vladimir Tukmakovun yetirmələri ötən tur məğlubiyyətə üzülsə də, bu dəfə qələbəyə sevinib.
Şahmatçılarımızdan Vüqar Həşimov və Şəhriyar Məmmədyarov bu turda rəqiblərini məğlub edib. Teymur Rəcəbovla Qədir Hüseynov isə xal bölgüsünə üstünlük verib.
Bu qələbə sayəsində yığmamız AÇ-ni ikinci pillədə bitirməli olub. Komandamız yalnız qitə çempionu adını qazanan Almaniyadan geri qalıb.
Yunanıstan
Avropa çempionatı
9-cu tur
11 noyabr
AZƏRBAYCAN - RUMINİYA - 3:1
Teymur Rəcəbov – Konstantin Lupulesku - 0,5:0,5
Vüqar Həşimov – Mirça Emilian Parliqras – 1:0
Şəhriyar Məmmədyarov – Levente Vaca – 1:0
Qədir Hüseynov – Mixail Marin - 0,5:0,5
Son turun digər maraqlı qarşılaşmaları:
Almaniya – Ermənistan - 2,5:1,5
Macarıstan – Bolqarıstan - 4:0
Sloveniya – Rusiya - 1:3
Hollandiya – Çexiya - 2,5:1,5
Fransa – İspaniya - 1,5:2,5
Yekun turnir cədvəli: 1. Almaniya - 15 xal (22,5 şəxsi), 2. Azərbaycan - 14 (23), 3. Macarıstan - 13 (23), 4. Ermənistan - 13 (22,5), 5. Rusiya - 13 (21,5).
Qadınlardan ibarət yığmamız isə Macarıstanla qarşılaşıb. Qadın şahmatçılarımız isə yekun turunda heç-heçəyə razılaşıblar. Komandamız AÇ-ni 20-ci pillədə başa vurub.
AZƏRBAYCAN – MACARISTAN - 2:2
Zeynəb Məmmədyarova – Tan Tranq Hoanq - 0,5:0,5
Nərmin Kazımova – Anna Rudolf - 0,5:0,5
Gülnar Məmmədova – Tiçiya Qara - 1:0
Nərgiz Umudova – Anita Qara - 0:1
Son turun digər maraqlı qarşılaşmaları:
Rusiya – Avstriya - 3:1
Ermənistan – Polşa - 2:2
Fransa – Ukrayna - 3:1
Rumıniya – Gürcüstan - 1,5:2,5
Yekun turnir cədvəli: 1. Rusiya - 17 (25,5), 2. Polşa - 14 (23), 3. Gürcüstan - 14 (22,5), 20. Azərbaycan - 8 (17,5)
Qeyd edək ki, kişilərin açıq çempionatında 38, qadınların çempionatında isə 28 komanda iştirak edirdi. Komandalar İsveçrə sistemi üzrə 9 tur keçirdilər. Vaxt nəzarəti 40 gedişə 90 dəqiqə və nəticəyə qədər ilk gedişdən başlayaraq hər gedişə 30 saniyə əlavə edilməklə yarım saat idi.
