11 noyabr 2011 00:28
Millimiz Almaniyaya uduzub, zirvəni əldən verdi (YENİLƏNİB)
Yunanıstanın Porto Karras şəhərində keçirilən şahmat üzrə komandalararası Avropa çempionatı davam edir. Azerisport.az xəbər verir ki, ötən gün turnirin səkkizinci turunun oyunları baş tutub..
Komandamız bu dəfə Almaniya ilə görüşüb. Vladimir Tukmakovun yetirmələri görüşə birinciliyin vahid lideri qismində çıxmışdılar. Lakin təəssüf ki, bu dəfə komandamız məğlubiyyətə üzülüb.
Şahmatçılarımızdan Vüqar Həşimov, Şəhriyar Məmmədyarov və Qədir Hüseynov bu turda rəqibləriylə xal bölgüsünə üstünlük verib. Teymur Rəcəbov isə məğlubiyyətdən qaça bilməyib.
Yunanıstan
Avropa çempionatı
8-ci tur
10 noyabr
AZƏRBAYCAN - ALMANİYA - 1,5:2,5
Teymur Rəcəbov - Arkadiy Naydiç - 0:1
Vüqar Həşimov - Georq Meyer - 0,5:0,5
Şəhriyar Məmmədyarov - Daniel Fridman - 0,5:0,5
Qədir Hüseynov - Yan Qustafsson - 0,5:0,5
Səkkizinci turun digər maraqlı qarşılaşmaları:
Ermənistan - Hollandiya - 3:1
Rumıniya - Macarıstan - 2:2
Bolqarıstan - İtaliya - 3:1
Rusiya - Fransa - 2,5:1,5
Çexiya - Serbiya - 2,5:1,5
Səkkizinci turdan sonra turnir cədvəlində vəziyyət:
1. Ermənistan - 13 xal (21 şəxsi), Almaniya - 13 (20), 3. Azərbaycan - 12 (20), Bolqarıstan - 12 (18,5), Macarıstan, Rumıniya - hərəyə 11 (19), Rusiya - 11 (18,5).
Qadınlardan ibarət yığmamız isə Avstriya ilə qarşılaşıb. Təəssüf ki, qadın şahmatçılarımız da turu yenilgiylə başa vurublar:
AZƏRBAYCAN - AVSTRİYA - 1:3
Zeynəb Məmmədyarova - Yeva Mozer - 0:1
Nərmin Kazımova - Veronika Eksler - 1:0
Türkan Məmmədyarova - Katarina Nevrkla - 0:1
Nərgiz Umudova - Culiya Novkoviç - 0:1
Səkkizinci turun digər maraqlı qarşılaşmaları:
Rusiya - Fransa - 3:1
Polşa - Çexiya - 2,5:1,5
Gürcüstan - Bolqarıstan - 3:1
Ukrayna - Macarıstan - 3:1
Serbiya - Ermənistan - 1,5:2,5
Yeddinci turdan sonra turnir cədvəlində vəziyyət:
1. Rusiya - 15 (22,5), Polşa - 13 (21), Ukrayna - 12 (20,5), Gürcüstan - 12 (20), 17. Azərbaycan - 7 (15,5)
Qeyd edək ki, kişilərin açıq çempionatında 38, qadınların çempionatında isə 28 komanda iştirak edir. Komandalar İsveçrə sistemi üzrə 9 tur keçirəcəklər. Vaxt nəzarəti 40 gedişə 90 dəqiqə və nəticəyə qədər ilk gedişdən başlayaraq hər gedişə 30 saniyə əlavə edilməklə yarım saatdı.
