9 noyabr 2011 00:58
Azərbaycan Rusiya və İsrail üzərində qələbəyə sevindi
Yunanıstanın Porto Karras şəhərində keçirilən şahmat üzrə komandalararası Avropa çempionatı davam edir. Azerisport.az xəbər verir ki, ötən gün turnirin altıncı turunun oyunları baş tutub.
Azərbaycanın kişilərdən ibarət milli komandası Rusiya ilə qarşılaşıb. Son iki turda heç-heçəyə razılaşan yığmamız bu dəfə qələbə qazanıb.
Teymur Rəcəbov rəqibi ilə dueldən qələbə ilə ayrılıb. Vüqar Həşimov, Şəhriyar Məmmədyarov və Qədir Hüseynov isə xal bölgüsünə razılaşıblar.
Qadınlardan ibarət millimiz də qələbə qazanıb. Şahmatçılarımız İsrail üzərində qələbəyə seviniblər.
Zeynəb Məmmədyarova, Gülnar Məmmədova və Türkan Məmmədyarova rəqibləri ilə xalları yarı bölüblər. Nərgiz Umudova isə qələbə qazanmaqla komanda hesabında da qələbəmizi təmin edib.
Yunanıstan
Avropa çempionatı
6-cı tur
8 noyabr
Kişilər
Azərbaycan – Rusiya – 2,5:1,5
Teymur Rəcəbov – Petr Svidler - 1:0
Vüqar Həşimov – Aleksandr Qrişuk - 0,5:0,5
Şəhriyar Məmmədyarov – Sergey Karyakin - 0,5:0,5
Qədir Hüseynov – Yan Nepomnyaşi - 0,5:0,5
Qadınlar
Azərbaycan – İsrail - 2,5:1,5
Zeynəb Məmmədyarova – Maşa Klinova - 0,5:0,5
Nərgiz Umudova – Olqa Vasilyev – 1:0
Gülnar Məmmədova – Marsel Yefroimski - 0,5:0,5
Türkan Məmmədyarova – Angela Borsuk - 0,5:0,5
