8 noyabr 2011 01:48
Azərbaycan Fransa ilə sülh bağladı
Yunanıstanın Porto Karras şəhərində keçirilən şahmat üzrə komandalararası Avropa çempionatı davam edir. Azerisport.az xəbər verir ki, ötən gün turnirin beşinci turunun oyunları baş tutub.
Azərbaycanın kişilərdən ibarət milli komandası Fransa ilə qarşılaşıb. Ötən turda olduğu kimi, yığmamız bu dəfə də xal itirib.
Vüqar Həşimov Maksim Vaşye-Laqravla, Teymur Rəcəbov isə Etyen Bakro ilə heç-heçə oynayıblar. Digər idmançılarımız Şəhriyar Məmmədyarov Loran Fressine ilə, Eltac Səfərli isə Kristian Bauerlə xalları yarı bölüblər.
Qadınlardan ibarət millimiz isə bu dəfə qələbə qazanıb. Yığmamız Monteneqronu darmadağın edib.
Yunanıstan
Avropa çempionatı
5-ci tur
7 noyabr
Kişilər
Azərbaycan – Fransa - 2:2
Teymur Rəcəbov – Etyen Bakro - 0,5:0,5
Vüqar Həşimov – Maksim Vaşye-Laqrav - 0,5:0,5
Şəhriyar Məmmədyarov – Loren Fressine - 0,5:0,5
Eltac Səfərli – Kristian Bauer - 0,5:0,5
Qadınlar
Azərbaycan – Monteneqro - 4:0
Zeynəb Məmmədyarova – Yovanna Vojinoviç - 1:0
Nərmin Kazımova – Aleksandra Miloviç – 1:0
Gülnar Məmmədova – Mariya Stoyanoviç - 1:0
Türkan Məmmədyarova – Tiyana Blaqoyeviç - 1:0
