6 noyabr 2011 00:11
Azərbaycandan ardıcıl üçüncü qələbə
Yunanıstanın Porto Karras şəhərində keçirilən şahmat üzrə komandalararası Avropa çempionatı davam edir. Azerisport.az xəbər verir ki, ötən gün turnirin üçüncü turunun oyunları baş tutub.
Azərbaycanın kişilərdən ibarət milli komandası meydan sahibi Yunanıstanla qarşılaşıb.
İki turda İtaliya və Ermənistanı yenən yığmamız ardıcıl üçüncü qələbəsini qazanıb.
Şahmatçılarımızdan Teymur Rəcəbovla Vüqar Həşimov rəqibləri ilə sülh bağlayıb, Şəhriyar Məmmədyarovla Eltac Səfərli qələbə qazanıb. Nəticədə millimiz yunanlardan 3:1 hesabı ilə üstün olub.
Ötən gün Litva ilə xalları yarı bölən qadınlardan ibarət millimiz isə məğlub olub. İspanlar yığmamıza heç bir şans verməyib - 0:4.
Yunanıstan
Avropa çempionatı
3-cü tur
5 noyabr
Kişilər
Yunanıstan - Azərbaycan - 1:3
Xristos Banikas - Teymur Rəcəbov - 0,5:0,5
Dimitrios Mastrovasilis - Vüqar Həşimov - 0,5:0,5
İoannis Papaioannu - Şəhriyar Məmmədyarov - 0:1
İoannis Nikolaidis - Eltac Səfərli - 0:1
Qadınlar
İspaniya - Azərbaycan - 4:0
Zeynəb Məmmədyarova - Olqa Aleksandrova - 0:1
Nərmin Kazımova - Cabrina Veqa Qetyerres - 0:1
Türkan Məmmədyarova - Monika Ruiz Kalzetta - 0:1
Nərgiz Umudova - Yudaniya Estevis Ernandes - 0:1
