5 noyabr 2011 00:17
Yığmamız Ermənistan üzərində qələbəyə sevindi
Yunanıstanın Porto Karras şəhərində keçirilən şahmat üzrə komandalararası Avropa çempionatı davam edir. Azerisport.az xəbər verir ki, ötən gün turnirdə növbəti turun oyunları keçirilib.
İlk turda İtaliyaya qalib gələn Azərbaycanın kişilərdən ibarət milli komandası Ermənistanla qarşılaşıb. Yığmamızın üzvlərindən Şəhriyar Məmmədyarovla Teymur Rəcəbov düşmən ölkə təmsilçisləri ilə sülh bağlayıb. Vüqar Həşimovla Qədir Hüseynov isə rəqiblərinə qalib gələrək, Azərbaycanın 3:1 hesablı qələbəsini təmin edib.
Qadınlardan ibarət yığmamız isə Litvanı sınağa çəkib. Yığmamızın üzvlərindən Zeynəb Məmmədyarova və Nərgiz Umudova rəqiblərinə qalib gəlib, Gülnar Məmmədova və Türkan Məmmədyarova məğlub olub. Nəticədə oyun 2:2 hesabı ilə yekunlaşıb.
Yunanıstan
Avropa çempionatı
2-ci tur
4 noyabr
Kişilər
Ermənistan - Azərbaycan 1:3
Levon Aronyan - Teymur Rəcəbov - 0,5:0,5
Sergey Movsesyan - Vüqar Həşimov - 1:0
Vladimir Akopyan - Şəhriyar Məmmədyarov - 0,5:0,5
Qabriel Sarkissyan - Qədir Hüseynov - 0:1
Qadınlar
Azərbaycan - Litva 2:2
Zeynəb Məmmədyarova - Deymante Daulite - 1:0
Gülnar Məmmədova - Salomeya Zaksayte - 0:1
Türkan Məmmədyarova - Dominika Batkovskite - 0:1
Nərgiz Umudova - Qiedre Vanaqayte - 1:0
