1 sentyabr 2011 18:43
Mirzəyev İspaniyada 11-ci oldu
İspaniyanın Barselona şəhərində keçirilən beynəlxalq şahmat turniri başa çatıb. Azerisport.az xəbər verir ki, turnirin qalibi adını 10 mümkün xaldan 8,5-ni toplayan ingilis Metyu Sadler qazanıb.
Eduardo İturrisaqa (Venesuela), Aramis Pedraza Alvaris (Kuba), Mark Delqado Dubland Narsiso (İspaniya) və Ektor Ramos Delqado (Kuba) liderdən yarım xal geri qalıblar.
Azərbaycanlı qrossmeyster Azər Mirzəyev isə son turda Hindistan şahmatçısı Abhicit Kunte ilə heç-heçə oynayıb. Nəticədə 7,5 xal toplamış Azərbaycan təmsilçisi 6-17-ci yerləri bölüşüb. Əlavə göstəricilər də nəzərə alınmaqla Azər Mirzəyev turnir cədvəlində 11-ci yeri tutub.
