24 iyul 2011 18:25
Millimiz DÇ-də ABŞ-a da uduzdu
Çinin Ninqbo şəhərində keçirilən şahmat üzrə kişilər arasında dünya çempionatı davam edir. Azerisport.az xəbər verir ki, bu gün turnirdə yeddinci turun oyunları keçirilib.
Azərbaycan milli komandası hesabat turunu məğlubiyyətlə başa vurub. Yığmamızın üzvləri ABŞ millisi qarşısında aciz qalıblar.
Qeyd edək ki, millimizin üzvlərindən Rauf Məmmədov Yuri Şulman üzərində qələbə qazanıb. Vüqar Həşimov isə Aleksandr Onişukla heç-heçəyə razılaşıb. Lakin təəssüf ki, Teymur Rəcəbovla Şəhriyar Məmmədyarov öz rəqiblərinə uduzublar. Beləcə, yığmamız turu məğlubiyyətlə başa vurub.
Qeyd edək ki, Azərbaycan millisi ilk turda Çinlə, bundan əvvəlki turda isə İsrail ilə heç-heçə etmişdi - 2:2. İkinci turda Hindistana 3:1 hesabıyla qalib gəlmiş komandamız Rusiyaya da eyni aqibəti yaşadıb. Macarıstan və Ukrayna ilə oyunlarda isə komandamız məğlubiyyətlə üzləşmişdi.
AZƏRBAYCAN – ABŞ - 1,5:2,5
Teymur Rəcəbov – Qata Kamski - 0:1
Vüqar Həşimov – Aleksandr Onişuk - 0,5:0,5
Rauf Məmmədov – Yuri Şulman - 1:0
Şəhriyar Məmmədyarov – Yaser Seyravan - 0:1
Beləliklə, 7 turdan sonra turnir cədvəlindəki vəziyyət belədi: Ermənistan – 12 очков (18,5 xüsusi xal), Çin - 9 (17), Ukrayna - 9 (15), Rusiya - 8 (15,5), Macarıstan - 8 (15), ABŞ - 8 (14,5), AZƏRBAYCAN - 6 (14,5), Hindistan - 5 (12), İsrail - 5 (11,5), Misir - 0 (6,5).
