23 iyul 2011 18:27
Millimiz DÇ-də İsrail ilə sülh bağladı
Çinin Ninqbo şəhərində keçirilən şahmat üzrə kişilər arasında dünya çempionatı davam edir. Azerisport.az xəbər verir ki, bu gün turnirdə altıncı turun oyunları keçirilib.
Azərbaycan milli komandası hesabat turunu heç-heçə ilə başa vurub. Yığmamız israil ilə sülh bağlayıb.
Qeyd edək ki, millimizin üzvlərindən Vüqar Həşimovla Şəhriyar Məmmədyarov müvafiq olaraq İlya Smirin və Tamir Nabati ilə sülh bağlayıb. Teymur Rəcəbov Emil Sutovski üzərində qələbə qazansa da, Rauf Məmmədovun rəqibinə uduzması komandamızı növbəti qələbədən edib.
Qeyd edək ki, Azərbaycan millisi ilk turda Çinlə heç-heçə etdiyi (2:2) halda, ikinci turda Hindistana 3:1 hesabıyla qalib gəlmişdi. Üçüncü turda isə komandamız Macarıstana uduzmuşdu. Son turda Rusiya üzərindəki 3:1 hesablı qələbənin ardından millimiz Ukraynayaməğlubolmuşdu.
AZƏRBAYCAN – İSRAİL- 2:2
Teymur Rəcəbov – Emil Sutovski- 1:0
Vüqar Həşimov – İlya Smirin- 0,5:0,5
Rauf Məmmədov – Yevgeni Postnı – 0:1
Şəhriyar Məmmədyarov – Tamir Nabati - 0,5:0,5
Beləliklə, 6 turdan sonra turnir cədvəlindəki vəziyyət belədi: Ermənistan - 10 xal (16 xüsusi xal), Rusiya - 8 (14), Macarıstan - 8 (13,5), Çin- 7 (14,5), Ukrayna - 7 (12,5), AZƏRBAYCAN - 6 (13), ABŞ - 6 (12), İsrail - 5 (10), Hindistan - 3 (9,5), Misir - 0 (5).
