1 iyun 2011 01:04
Federasiya kubokunun qalibi müəyyənləşdi
28 may Respublika günü münasibəti ilə "Azərbaycan Şahmat Federasiyasının kuboku" uğrunda təşkil olunan komanda yarışı yekunlaşıb. Azerisport.az xəbər verir ki, dairəvi sistem üzrə 4 komandanın iştirakı ilə keçirilən turnirdə hər bir komandanın tərkibində 1 kapitan (usta ya qrossmeyster), 6 şahmatçıdan - 5 oğlan və 1 qızdan ibarət olmaqla mübarizə aparıb.
Turnirin reqlamentinə əsasən kapitan digər komandanın üzvlərinə saatla eyni vaxtlı oyun seansı keçirib. Nəzarət vaxtı - 90 dəqiqə oyunun sonunadək verilirdi. Xallar kapitanın və uşaqların topladığı xalların cəmi ilə hesablanıb.
Yekunda 22 xalla Respublika Şahmat Məktəbinin komanfası qalib gəlib. İkinci yeri 1 saylı RİOEUGŞDİM - 19 xal (Respublika İxtisaslaşdırılmış Olimpiya Ehtiyatları Uşaq Gənclər Şahmat Dama İdman Məktəbi), 3-cü yeri AHİTA - 18.5 xal, 4-cü pilləni isə jurnalistlər - 12.5 xal tutublar.
Seans verən qrossmeysterler arasında ən yaxşı nəticəni Eltac Səfərli göstərib.
Qalib komanda Azərbaycan Şahmat Federasiyasının kuboku, diplomu və medallarla mükafatlandırılıb.
