Rəcəbov Anandın dəstəsinə düşəcək?

San-Paulu və Bilbaoda keçiriləcək “Böyük dəbilqə”nin altı iştirakçısından üçü hələ məlum deyil.

 

Azerisport.az xəbər verir ki, iddiaçıların Kazandakı final turniri azərbaycanlı qrossmeysterlərsiz keçir və onların öz gələcək perspektivləri haqda düşünmək vaxtıdır. Yəqin ki, əsas tapşırıqlardan biri artıq populyarlıq qazanmış “Böyük dəbilqə”nin final turnirinə düşmək imkanı olacaq. Ancaq həlledici mərhələ iştirakçılarının sırasına qatılmaq üçün seçmə turnirlərdə uğurla oynamaq zəruridir. Belə bir imkan tezliklə Teymur Rəcəbova düşəcək. Rəcəbov Rumıniyada “BaznaKings”də oynamağa hazırlaşır.

 

Bu ərəfədə “Böyük dəbilqə”nin təşkilatçıları yarışın keçirilmə vaxtı və yerini müəyyən ediblər. Yarış Sentyabr ayının 25-i və Oktyabr ayının 11-i aralığında eyni zamanda iki qitədə ikidairəvi sistemlə keçiriləcək. Finalın ilk hissəsini San-Paulu, yekun hissəsini isə Bilbao qəbul edəcək. Turnirin iştirakçıları siyahısına düşmək üçün Teymur Rəcəbova İyun ayının 11-də Rumıniyada başlanacaq turnirin startında mütləq qələbə lazımdır. “BaznaKings”də həmçinin Maqnus Karlsen, Xikaru Nakamura, Serqey Karyakin, Vasiliy İvançuk və Liviu-Diter Nisipyanu iştirak edəcəklər. Karlsen və Nakamura “Böyük dəbilqə”nin finalına çıxışı artıq əvvəlki yarışlarda təmin ediblər. Karlsen Nantszında, Nakamura isə Veyk-An-Zeedə qələbə qazanıb. Bu dəstəyə San-Paulu və Bilbaoda Vişvanatan Anand da qoşulacaq. Anand dünya çempionu kimi bu hüququ qazanıb. Qalan iştirakçılar hələ mübarizəni davam etdirilər.

 

Qeyd etmək lazımdır ki, Rəcəbov vaxtı ilə “Böyük dəbilqə”yə debüt turnirində qatılıb. O zaman Rəcəbov turnirə irimiqyaslı yarışların startında ən yaxşı nəticələr göstərmiş şahmatçı kimi qatılmışdı. Ancaq son ildə Teymur demək olar ki çıxış etməyib. Rəcəbov FIDE-nin Qran-pri yekunlarına görə iddiaçıların turnirinə vəsiqə qazanaraq, bütün bu müdət ərzində çempion tsiklinə və Vladimir Kramniklə 1/4 finala hazırlaşıb. Ona görə də “BaznaKings” azərbaycanlı qrossmeyster üçün turnirin iddiaçısı qismində çıxış edəcəyi ilk yarış olacaq.

 

Təşkilatçıların seçiminə qrossmeysterlərin seçmə mərhələdəki nəticələri ilə yanaşı cari reytinq də təsir edə bilər. Reytinq nə qədər yüksək olsa, bir o qədər yaxşıdır.