1 fevral 2011 18:37
Elman Rüstəmov: Daha güclü Azərbaycan yığması görmək istəyirik
Milli Şahmat Federasiyasının prezidenti Elman Rüstəmov bildirib ki, güclü komanda yaratmaq üçün əllərindən gələni edəcəklər. Azerisport.az xəbər verir ki, o, bu haqda açıqlamasında aşağıdakıları dilə gətirib:
“Biz hələ kişilərdən ibarət komandamıza kapitan seçməmişik. Heç qadınlardan ibarət yığmaya da kimin kapitanlıq edəcəyi hələlik dəqiqləşməyib. Sadəcə bir şeyi dəqiq deyə bilərəm: hər iki məşqçinin təyinatı dünya çempionatının startına ay yarım qalmışa kimi gerçəkləşəcək. Vüqar Həşimova gəlincə, biz görüşdük və danışıqlar apardıq. Mənim fikrimcə, onun yeri yığmadı. Biz daha güclü Azərbaycan yığması görmək istəyirik”.
