10 may 2011 11:35
Azərbaycan 39 ölkə arasında 5-ci oldu
Polşanın Poznan şəhərindəki Dünya Kubokunun I mərhələsində möhtəşəm uğura imza atan Azərbaycanın kayak və kanoe üzrə milli komandası ümumi hesabda dünyanın 5 ən güclü ölkəsi sırasına düşüb. Azerisport.az xəbər verir ki, 39 ölkənin qatıldığı nüfuzlu yarışda 21 ölkə medal əldə edib ki, onların arasında Azərbaycan da var.
Ölkəmiz 2 qızıl, 1 gümüş medal qazanıb. Həmin medalların müəllifi isə 2 nəfərlik kanoe qayığı (C-2) ilə çıxış edən Sergey Bezuqlıy – Maksim Prokopenko dueti olub. Məhz bu duetin nailiyyəti sayəsində ölkəmiz medal əyarında 5-ci yeri tutub. Əvvəlki 4 pillələrdə olan Belarus 11 (6 qızıl, 1 gümüş, 4 bürünc), Polşa 11 (3 qızıl, 4 gümüş, 4 bürünc), Fransa 6 (3 qızıl, 2 gümüş, 1 bürünc), Portuqaliya 4 (2 qızıl, 1 gümüş, 1 bürünc) medal qazanıb. Lakin həmin ölkələr bu qədər medala həm kanoe, həm də kayak növündə sahib çıxıblar. Azərbaycan medal əyarında Ukrayna (2 qızıl, 1 bürünc), Almaniya (1 qızıl, 2 gümüş, 1 bürünc), Özbəkistan (1 qızıl, 2 gümüş), Avstriya (1 qızıl, 1 gümüş), Böyük Britaniya (1 qızıl, 1 gümüş), Litva (1 qızıl, 1 gümüş), Qazaxıstan (1 qızıl, 2 bürünc), İsveç (1 qızıl, 2 bürünc), Norveç (2 gümüş, 2 bürünc), Hollandiya (2 gümüş), Slovakiya (2 gümüş), Avstraliya (1 gümüş, 2 bürünc), Belçika (1 gümüş, 1 bürünc), Bolqarıstan (1 gümüş), Serbiya (3 bürünc)və Rumıniyanı (1 bürünc) geridə qoyub. Braziliya, Çili, Kuba, Ekvador, Finlandiya, Macarıstan, İrlandiya, İran, Yaponiya, Latviya, Moldova, Yeni Zelandiya, Seyşel adaları, Sloveniya, CAR, İsveçrə, Türkiyə və Venesuela isə medalsız qalıb.
Dünya Kubokunun I mərhələsində ölkələr üzrə olimpiya məsafələri və olimpiya kateqoriyalı qayıqlarla (cəmi 12) qazanılan xallara gəldikdə, Azərbaycan 16 xal yığıb. Bunlardan 6 xalı 1 nəfərlik kanoe qayığı (C-1) ilə 200 metr məsafəyə yürüşdə 4-cü yeri tutan Valentin Demyanenko, hərəyə 5 xalı isə 2 nəfərlik kanoe qayığı (C-2) ilə 1000 metr məsafəyə yürüşdə qızıı medal qazanmış Sergey Bezuqlıy və Meksim Prokopenko əldə edib. Bu nəticə ilə ölkəmiz Polşa (70 xal), Belarus (57 xal), Almaniya (52 xal), Portuqaliya (49 xal), Ukrayna (48 xal), Fransa (40 xal), Serbiya (28 xal), Avstraliya (24 xal), Böyük Britaniya (24 xal), İsveç (21 xal), Litva (17 xal) və Özbəkistandan (17 xal) sonra 13-cü yeri tutub. Norveç (13 xal), Bolqarıstan (12 xal), Yeni Zelandiya (12 xal), Avstriya (8 xal), Belçika (8 xal), Qazaxıstan (7 xal), Latviya (7 xal), Kuba (5 xal), Finlandiya (5 xal), Sloveniya (4 xal), Slovakiya (4 xal), Rumıniya (2 xal), Hollandiya (1 xal) geridə qalıbvə 13-cü yeri tutub. Çili, Ekvador, Macarıstan, İran, İrlandiya, Yaponiya, Moldova, CAR, Seyşel adaları, İsveçrə, Türkiyə və Venesuela ümumiyyətlə xal toplaya bilməyib.
Dünya Kubokunun I mərhələsindən sonra xal qazanan 32 kanoeçi arasında Valentin Demyanenko 6 xalla 6-cı yerdədir. Hərəyə 5 xala malik daha 2 kanoeçimizdən Sergey Bezuqlıy 8-ci, Maksim Prokopenko isə 11-ci pillədə qərarlaşır. İlk “5-lik”də almaniyalı Sebastyan Brendel (15 xal), ukraynalı Yuri Çeban (11 xal), özbəkistanlı Vadim Menkov (10 xal), litvalı Yevgeni Şuklin (8 xal) və polşalı Tomaş Kaçor (7 xal) yer alıb. Kayakçılarımızdan isə heç kim xal toplaya bilməyib.
Qeyd edək ki, xal reytinqi ilin ən yaxşı kayak və kanoeçisini müəyyənləşdirmək üçün tərtib edilir. İlin ən yaxşısı Dünya Kubokunun daha 2 mərhələsi və dünya çempionatında toplanılan xalların yekununda müəyyənləşir. Dünya Kubokunun II mərhələsi 20 – 22 mayda Çexiyanın Raçitse, III mərhələsi 27 – 29 mayda Almaniyanın Duysburq, dünya çempionatı isə 17 – 21 avqustda Macarıstanın Seqed şəhərində olacaq.
