25 iyul 2010 14:59
Azərbaycan dünya çempionatında ilk medalını qazandı (FOTO)
Belarusun Brest şəhərində keçirilən 23 yaşadək akademik avarçəkənlər arasında dünya çempionatında Azərbaycan yığması ilk medalını qazanıb. Azərbaycan Milli Avarçəkmə Federasiyasının mətbuat xidməti azerisport.az saytına məlumat verib ki, oğlanlar arasında 1 nəfərlik qayıqda (BM1X) çıxış edən Aleksandr Aleksandrov gümüş medal qazanıb.
Final yürüşündə 2000 metr məsafəni 7 dəqiqə 13,11 saniyəyə qət edən Aleksandrov yalnız Almaniya təmsilçisi Karl Şultsedən geri qalıb. Bürünc medalı isə 7 dəqiqə 20,54 saniyə nəticə ilə Stergios Papaxristos (Yunanıstan) qazanıb.
Bununla da Azərbaycan akademik avarçəkmə növündə mötəbər yarışlarda ilk medalını əldə edib.
Milli komandamıza daha bir medalı isə 2 nəfərlik qoşa avarlı yüngül çəkili qayıqda (BLM2X) çıxış edən Cavid Əfəndiyev - İqor Xmara dueti qazandıra bilər. Azərbaycanlı cütlük Bakı vaxtı ilə saat 15:24-də final yürüşünə çıxacaq.
Bununla da Azərbaycan akademik avarçəkmə növündə mötəbər yarışlarda ilk medalını əldə edib.
Milli komandamıza daha bir medalı isə 2 nəfərlik qoşa avarlı yüngül çəkili qayıqda (BLM2X) çıxış edən Cavid Əfəndiyev - İqor Xmara dueti qazandıra bilər. Azərbaycanlı cütlük Bakı vaxtı ilə saat 15:24-də final yürüşünə çıxacaq.
