7 iyun 2013 15:59
Azərbaycan millisinin Avropa çempionatının final mərhələsindəki rəqibləri müəyyənləşdi
Qadın voleybolçular arasında Avropa çempionatının final mərhələsində mübarizə aparacaq Azərbaycan millisinin rəqibləri müəyyənləşib. Azerisport.az xəbər verir ki, qitə birinciliyinin üçüncü mərhələsinin cavab oyunundan sonra Belarus yığması komandamıza rəqib olub.
Belə ki, Slovakiya millisinə evdə 3:0 (25:19, 25:10, 25:17) hesabı ilə qalib gələn belaruslar cavab qarşılaşmasında 1:3 (25:15, 19:25, 17:25, 20:25) hesabı ilə uduzublar. Hesab bərabər olduğundan “Qızıl set” oynanılıb. Ev sahibləri bu setdə 14:16 hesabı ilə uduzaraq çempionatda mübarizəni dayandırıblar.
Beləliklə, komandamızın yer aldığı C qrupunda bütün iştirakçıların adlarına aydınlıq gəlib. Sentyabrın 6-14-də Almaniya və İsveçrədə keçiriləcək həlledici mərhələdə Azərbaycan, Rusiya, Xorvatiya və Belarus komandaları güclərini sınayacaqlar.
