16 oktyabr 2012 22:00
Azərbaycan çempionu DÇ-də yarımfinala çıxdı (YENİLƏNİB)
Azərbaycanın qadınlardan ibarət “Rabitə” voleybol klubu bu gün klublararası dünya çempionatında ikinci matçına çıxıb. Azerisport.az xəbər verir ki, ölkə çempionu qrupdakı son matçında Çinin “Bohay Bank” komandası ilə qarşılaşıb.
Qeyd edək ki, çinlilər buna qədər bir oyun keçirmişdilər. Onlar Braziliyanın “Sollis Osasco” klubu ilə qarşılaşmada 0:3 hesabıyla uduzmuşdular. Elə Azərbaycan çempionu da braziliyalılarla ötən gün baş tutan görüşdə 1:3 hesablı məğlubiyyətlə üzləşmişdi. Bu üzdən də “Bohay Bank”la “Rabitə”nin görüşü bu komandalar üçün ölüm-qalım mübarizəsi sayılırdı. Braziliyalılar birinci yerlə yarımfinala vəsiqəni təmin etdiklərindən, ikinci vəsiqə məhz Azərbaycan və Çin klublarından birinə qismət olacaqdı. "Rabitə" bu şansdan maksimum yararlanıb və yarımfinala çıxıb.
Maraq üçün xatırladaq ki, “Rabitə” bu turnirdə titulunu qorumaq üçün mübarizə aparır. “Rabitəçilər” ötən mövsüm dünya çempionatında hamıdan güclü olmuşdular.
Klublararası dünya çempionatı
Qrup mərhələsi
16 oktyabr
Rabitə - Bohay Bank - 3:1 (25:20, 25:22, 18:25, 25:21)
